Urkunde Nr. 467 aus Band I

Seite im UB:

426-427

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

467

Wissegrad 1329 April 16 König Karl verordnet die Rückstellung der Besitzung Teufelsdorf an die Söhne Christian's von Grossau und an Henning, Ermens Sohn.

[S. 427] Nos Karulus dei gratia rex Hungariae memoriae commendantes tenore praesentium quibus expedit significamus universis, quod magister Nicolaus de Brasso comes Cybiniensis et Nicolaus filius Balbuch ac Nicolaus filius Vytk necnon Renerdus de Chenk de partibus Transsiluanis fideles nostri suis propriis et totius universitatis Saxonum de districtu Cybiniensi et ad idem aliis districtibus pertinentibus existentium nominibus, quorum etiam legationibus iidem ad nos venerant, vivae vocis ministerio nobis conquesti exstiterunt, quod quaedam possessio Heesfolva vocata Salomonis et Herbordi filiorum Cristiani de insula Cristiani et Hennengi filii Ermen hereditaria per Danielem filium Vosmoth indebite et potentialiter occupata in praeiudicium eorundem filiorum Cristiani et Hennengi detineretur et quod per falsi suggestionem tacita veritate, a magnifico viro Thoma vaivoda Transsiluano et comite de Zolnuk sibi dari obtinuisset, petentes nos humili precum instantia, ut eandem possessionem sic indebite occupatam eisdem filiis Cristiani et Hennengo de benignitate nostrae regiae maiestatis reddere et restituere dignaremur. Igitur nos ab eisdem comite Nicoiao et sociis suis huius rei meram veritatem cognoscentes, prout etiam idem Thomas vaivoda exinde nos certius instruxit, quod dicta possessio Heesfolwa memoratorum filiorum Cristiani et Hennengi sit et fuerit ab antiquo hereditaria, praenominato Danieli perpetuum deinceps silentium praesentibus super eadem possessione imponentes, ante dictis filiis Cristiani et Hennengo denuo eandem possessionem cum omnibus suis utilitatibus et pertinentiis universis praesentibus duximus perpetuo restituendam. Datum in Vissegrad, in dominica Ramispalmarum, anno domini millesimo CCC^mo XX^mo nono.