Urkunde Nr. 2015 aus Band IV

Seite im UB:

315-316

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2015

Rosenau 1427 Juli 6 König Sigmund gestattet den Bewohnern von Rosenau, die auf Rosenauer Gebiet befindlichen Güter und Nutzungsrechte zu beschlagnahmen, wenn der Besitzer sich weigert, zu den gemeinsamen Abgaben der Gemeinde beizutragen.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris iudici, iuratis totique communitati oppidi nostri Rosno vocati salutem et gratiam. Nostra intellexit serenitas valde displicenter, quodlicet nonnulli forent nostri regnicolae tam in nostris quam aliorum quorumvis possessionibus commorantes, qui fundos, domos et curias necnon agros, terras arabiles aliasque utililates in dicta Rosno seu vestri in medio tenentes et possidentes ad census, taxas, datia et collectas tam ordinarias quam extraordinarias ceterasque vestras expensas ratione dictorum suorum fundorum, domorum et curiarum necnon terrarum et aliarum utilitatum contribuere et ad easdem solvere hactenus consueti extitissent, tamen nunc, nescitur qua temeritate ducti, huiusmodi contributiones ad praemissa facere recusarent in vestrum praeiudicium et damnum manifestum. Et quia nos talismodi fundos, domos et curias, [S. 316] necnon terras arabiles aliasque utilitates eiusdem nostri oppidi per quempiam absque debitae solutionis seu contributionis onere nequaquam volumus permittere possideri, fidelitati igitur universitatis vestrae firmiter praecipimus et omnino volentes mandamus, quatenus si et in quantum a modo in antea huiusmodi fundorum, domorum et curiarum ac agrorum, terrarum et ceterarum utilitatum possessores, insinuatione eisdem et eorum singulis iuxta morem et consuetudinem eiusdem nostri oppidi in talíbus observari solita praehabita, ad huiusmodi census, taxas, datia et collectas ac expensas vestras praedictas, toties quoties necesse fuerit et opportunum, iuxta ratam seu sortem qualitatis et quantitatis huiusmodi fundorum, domorum et curiarum ac agrorum, terrarum arabilium et aliarum utilitatum praedictarum solvere et contribuere recusaverint, ex tunc eosdem fundos, domos et curias necnon agros, terras et alias utilitates, quas vestri in medio tenent ut praefertur pro vobis occupare occupatosque et occupata erga manus vestras tamdiu conservare necnon fructus et utilitates earundem percipere modis omnibus debeatis, donec de saepe dictis contributionibus et solutionibus vobis per eosdem fuerit satisfactum quoad plenum. Secus non facturi in praemissis. Datum in Rosno praedicta, die dominico proximo post festum visitationis virginis gloriosae, anno domini millesimo quadringentesimo vigesimo septimo, regnorum nostrorum anno Hungariae et cetera quadragesimo primo, Romanorum decimo septimo et Bohemiae septimo.