Urkunde Nr. 2007 aus Band IV

Seite im UB:

290-291

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 83.

Druckvorlage:

nach Original

Abdruck als:

Volltext

Sprache:

Latein

---

2007

Marienburg 1427 Mai 19 Der frühere Seklergraf Michael Salamonis verpflichtet sich, die Bewohner von Marienburg für das geraubte Vieh in Geld zu entschädigen.

[S. 291] Nos Mychael filius Salamonis de Nadas alias trium generum Siculorum comes memoriae commendamus per praesentes, quod licet inter nos ex una parte, siquidem ex altera iudicem et iuratos ac universos cives seu hospites oppidi Felduar vocati ratione et praetextu receptionis certorum pecorum seu pecudum necnon equorum alias per nos ab eisdem iudice iuratisquc civibus et hospitibus factae coram serenissimo principe domino Sigismundo dei gratia Romanorum rege semper augusto ac Hungariae, Bohemiae, Dalmaciae, Croaciae et cetera rege domino nostro metuendo lis et quaestionis materia per eosdem mota fuerit et suscitata, tamen nos arbitrativae compositioni magnificorum Johannis de Maroth et Petri Cseh de Leua banorum Machouiensium et Petri filii Henrici de Brezeuicze tavernicorum regalium magistri et egregii Ladislai Jakch de Kusal se committentium qui inter nos disposuerunt eo modo, quomodo nos sescentos¹⁾ et quadraginta duos florenos novos ipsis iudici et civibus in tribus terminis, videlicet octavo die festi beati Jacobi apostoli²⁾ primam partem eorundem et aliam partem octavo die festi beati Mychaelis archangeli,³⁾ tertiam vero partem eorundem octavo die festi beati Martini episcopi⁴⁾ nunc proxime affuturi solvere et plenarie de eisdem satisfacere deberemus. Nos enim huiusmodi compositionem pro rato habentes atque grato dictos sescentos¹⁾ et quadraginta duos florenos novos promittimus in terminis praedictis eisdem iudici et universis civibus ipsius oppidi Felduar vocati plenarie persolvendos praesentium testimonio mediante, alioquin in dupli eorundem florenorum communicamur eo facto comesque dictorum Siculorum modermis de rebus et bonis nostris mobilibus et immobilibus ipsis iudici et civibus liberam satisfaciendi habeat facultatem et plenariam potestatem. Datum in praedicta Ffeldwar feria secunda proxima ante festum beatae Elenae reginae, anno domini millesimo CCCC^mo vigesimo septimo.


1) Vorlage: sexingentos. [2x]^{^}
2) August 1.^{^}
3) Oktober 6.^{^}
4) November 18.^{^}