Urkunde Nr. 2006 aus Band IV

Seite im UB:

287-290

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1837.

Druckvorlage:

nach Original

Abdruck als:

Volltext

Sprache:

Latein

---

2006

Marienburg 1427 Mai 11 König Sigmund setzt die Hattertgrenzen zwischen Marienburg und Rotbach fest und bestimmt, dass die Bewohner von Heldsdorf den Grundzins von ihren auf Marienburger Hattert liegenden Äckern in Marienburg zu entrichten haben.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod cum nobis una cum praelatis et baronibus nostris in oppido nostro Fewldwar nuncupato partium nostrarum Transsiluanarum pro faciendo nobis conquerentibus iudicio moderativo pro tribunali sedentibus ortaque et suscitata coram nobis ac eisdem praelatis et baronibus per fideles nostros providos viros iudicem, seniores ac cives et hospites Saxones eiusdem oppidi nostri adversus similiter hospites et populos nostros Saxones de villa nostra Veresmarth appellata ratione abolitionis et destructionis antiquarum ipsum oppidum nostrum et praefatam villam nostram a dudum et antiquitus ab invicem distingentium erectionisque inter idem oppidum nostrum et villam nostram aliarum novarum metarum ac occupationis per hoc nonnullarum terrarum arabilium, fenilium, silvarum et ceterorum usuum necnon succisionis earundem silvarum ad ipsum oppidum nostrum Fewldwar dictum antiquis metis separantibus pertinentium per eosdem hospites praefatae villae nostrae Veresmarth nuncupatae ut dicebatur factarum litis et quaestionis materia ad revisionem destructionis et abolitionis dictarum antiquarum erectionisque novarum metarum necnon occupationis terrarum ac silvarum et aliorum usuum praefati oppidi nostri Fewldwar nuncupati praenotatarum ac ad rectificationem et reformationem superinde faciendam, fideles nostros honorabiles viros dominos Benedictum de Borh vicarium et Isaiam de Hemhaza decanum canonicosque ecclesiae beatae Mariae virginis Albae regalis necnon magistrum Fa- [S. 288] bianum maioris cancellariae nostrae regni Hungariae praedicti prothonotarium, homines nostros speciales iteratis vicibus destinantibus, iidem postmodum exinde ad nostram regressi maiestatem nobis concorditer retulerunt, ut ipsi prius et antea cum plerisque ipsius oppidi Fewldwar et praefatae villae Veresmarth civibus ac hospitibus territoriis eiusdem oppidi et dictae villae iuxta demonstrationem ipsorum hospitum per cursus tam priorum abolitarum quam postea de novo erectarum metarum peragratis et reambulatis revisisque consideratis ipsarum antiquarum metarum cursibus easdem priores et veteres metas magis iuste et rectius quam postea positas ipsum oppidum et praefatam villam ab invicem distingere et separare cognoscentes feria quarta proxima post festum beati Johannis ante portam latinam¹⁾ ad facies eorundem territoriorum ipsorum oppidi et villae rursum accedendo et eadem per cursus praedictarum priorum et antiquarum metarum sub quibus videlicet ipsae ambae partes eisdem antea usae fuissent eisdem ambabus partibus affirmantibus de novo reambulando hoc ordine distinxissent et separassent, quod primo incipiendo a fluvio Olth vocati in loco scilicet ubi quidem rivulus a parte ipsius villae Veresmarth currens influeret seu caderet in ipsum fluvium Olth indeque in eodem rivulo versus eandem villam et plagam occidentalem sursum eundo et ad ipsam villam perveniendo ac circa eandem villam per cursum ipsius rivuli alibi circa ortos alibique penes curias et sepes curiarum hospitum ipsius villae girando et quibusdam tribus vel quatuor curiis ex ista parte dicti rivuli, a parte scilicet praedicti oppidi Fewldwar sub ripa existentibus ad ipsum oppidum etiam spectantibus eidem oppido annexis extra et supra ipsam villam cursum ubique ipsius rivuli tenendo in longo spatio progrederetur venireturque ad quendam quasi reflexum ipsius rivuli ac circa descensum cuiusdam vallis seu meatum aquae²⁾ tempore pluviali influentem ad ipsum³⁾ rivulum ibique exeundo de ipso rivulo ad partem quasi aquilonarem in angulo inter praefatum rivulum et descensum praedictae vallis seu meatus aquae pluvialis a parte meridiei ipsius vallis et meatus aquae unam metam terream novam exigi fecissent, deinde in eadem valle et penes dictum meatum aquae ad plagam item quasi aquilonarem flectendo duabusque novis metis iuxta eundem meatum aquae a dicta parte meridionali post se se consequenter positis ascenderetur supra ad montem veniendo ad unam antiquam metam abolitam circa caput ipsius vallis habitam qua renovata ulterius in rubetis et silvis per praedictos populos de dicta Veresmarth succisis ad praedictam partem occidentalem procedendo tribusque novis in eisdem rubetis et silvis similiter post se se consequenter ele- [S. 289] vatis metis descenderetur ad quendam alium rivulum fluentem et transito ipso rivulo inquodam plano prope eundem rivulum ac sub quodam monte magno unam metam et abhinc plagam occidentalem ad eandem ipsum montem magis ac magis ascendendo tres metas modo simili se se sequentes cumulari fecissent. Quibus habitis et ipsis hospitibus praefati oppidi nostri Fewldwar nuncupati exinde contentis et se terris ac silvis et ceteris usibus intra ipsarum metarum cursus ad sinistram seu partem meridionalem remanentibus antea fretos fuisse asserentibus et ab ipsa ultima superiori scilicet ipsarum trium in praedicto monte erectarum metarum ulterius causa ostensionis plurium metarum eorum non procedentibus iidem homines nostri praedictas silvas ac rubeta necnon terras arabiles feniliaque et alias ulilitates intra earundem metarum per ipsos homines nostros modo praenotato erectarum ad sinistram ut praefertur et ad partem meridionalem adiacentium cum cunctis ipsarum et eorum pertinentiis et usibus quibuslibet ad praedictum oppidum nostrum Fewldwar annectendo et applicando eisdem iudici ac senioribus civibus hospitibusque nostris Saxonibus eiusdem oppidi aliis universis silvis, rubetis, terris arabilibus, fenilibus et quibuslibet utilitatibus ad aliam partem ipsarum metarum scilicel dextram partem sive plagam aquilonalem praefatae villae nostrae Veresmarth remanentibus ac praenominatis populis et hospitibus eiusdem dimissis et derelictis statuissent et commisissent per eosdem iure eis incumbenti possidere, tenere et habere. Quorum quidem nostrorum hominum relatione facta super praemissis percepta, quia huiusmodi revisio ac reambulatio limitatioque necnon distinctio et antedictarum metarum erectio seu positio inter praescriptum oppidum nostrum Fewldwar nominatum et villam nostram Veresmarth appellatam civesque hospites ipsius et eiusdem per ipsos homines nostros recto modo facta, disposita et terminata fore nobiscum quibusdam ex dictis praelatis et baronibus nostris personaliter id perspicientibus cernebatur pro eo nos ipsorum praelatorum et baronum nostrorum nobiscum impraesentiarum existentium assumto consilio talismodi ipsorum nostrorum hominum limitationem, sequestrationem et metarum erectionem approbantes et ratificantes praemissas silvas, rubeta, terras arabiles, fenilia et quoslibet usus ac utilitates et pertinentias sub ipsarum metarum distinctionibus et terminis memoratis oppido nostro Fewldwar villaeque nostrae Veresmarth antefatae civibusque ac hospitibus eorundem per praedictos homines nostros statutas ac commissas et derelictas relinquimus et committimus eisdem ac ipsorum heredibus et posteris in perpetuum possidere et habere. Ceterum quia ex parte eorundem hospitum ac civium et populorum nostrorum praefati oppidi nostri Fewldwar nuncupati adversus populos et incolas villae nostrae Hewlthwen super eo, ut ipsi populi nostri de dicta villa nostra Hewlthwen nominata census occasione conservationis et utensionis certarum terrarum arabilium et ceterorum usuum [S. 290] quas videlicet et quos iidem populi de dicta villa nostra Hewlthuen intra metas et terminos praefati oppidi nostri Fewldwar adiacentes a praefatis hospitibus et civibus nostris ipsius oppidi nostri feudaliter tenerent et ipsis utentur annis singulis et terminis ad hoc deputatis praefatis civibus et hospitibus nostris praedicti oppidi nostri in eodem oppido nostro solvere debentes in ipsum oppidum ad solvendum dictis hospitibus eiusdem temporibus consuetis, prout moris fuisset ab antiquo importare recusarent, sed se ipsum censum in ipsa villa nostra Hewlthuen praelibatis civibus et hospitibus dicti oppidi nostri illic accedere debentibus solvere velle praetenderent controversia similiter coram nobis et iam fatis praelatis et baronibus nostris oriebatur, igitur nos de eorundem praelatorum et baronum nostrorum consilio volentes et praesentibus decernentes statuimus et commisimus seriose, ut tam ipsi populi nostri praefatae villae nostrae Hewlthuen nominatae, quam quivis aliarum circumiacentium villarum homines et incolae terras arabiles et ceteros usus ipsius oppidi nostri Fewldwar appellati in feudum seu pro censu annuo tenentes et utentes eisdem census de eisdem terris consuetos suo tempore et termino ad hoc deputato, huc scilicet in ipsum oppidum nostrum Fewldwar nominatum importare et praefatis iudici ac senioribus et hospitibus eiusdem deponere et solvere alioquin ipsas terras cum omnibus earum utilitatibus et pertinentiis eisdem oppido ac iudici senioribusque et hospitibus ipsius remittere debeant et teneantur eo facto, contradictione qualibet procul mota. In cuius reitestimonium et robur perpetuae firmitatis praesentes literas nostras privilegiales pendentis autentici sigilli nostri duplicis, quo ut rex Hungariae utimur munimine roboratas praefatis iudici ac senioribus et civibus antedicti oppidi nostri Fewldwar duximus concedendas. Datum in eodem oppido Fewldwar, sexto die festi beati Johannis apostoli ante portam latinam praenotati, anno domini millesimo quadringentesimo vigesimo septimo, regnorum nostrorum anno Hungariae et cetera quadragesimo primo, Romanorum decimo septimo et Bohemiae septimo.

Auf der Plica: Lecta et correcta.

Auf der Rückseite von einer Hand des 15. Jahrhunderts: Litera territorii cum illis de Roderbach.


1) Mai 7. ^{^}
2) Über der Zeile.^{^}
3) Hierauf fluvium unterpunktiert [UB: interpunktiert].^{^}