Urkunde Nr. 1999 aus Band IV

Seite im UB:

277-278

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

1999

Kronstadt 1427 März 18 König Sigmund verbietet Johann und Desiderius, den Söhnen und Nikolaus, dem Enkel des Nikolaus von Losoncz, von den Bewohnern von Desch und Salzdorf in Reteag/Retteg Abgaben einzuheben.

Von der Kanzlei: Relatio Mychaelis Jakch comitis Siculorum.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris egregiis Johanni et Desew, filiis quondam Nicolai de Losonch olim comitis Siculorum nostrorum, necnon Nicolao filio quondam Stephani filii dicti quondam Nicolai comitis salutem et gratiam. In nostrae maiestatis venientes praesentiam fideles nostri providi Gregorius Soos et Thomas Konch cognominati cives nostrorum oppidorum regalium Dees et Akna vocatorum in eorum ceterorumque universorum concivium et cohospi- [S. 278] tum ipsorum personis celsitudini nostrae proposuerunt querulose declarantes, quod licet ipsi et quilibet eorum ac tota communitas dictorum nostrorum oppidorum resque et bona eorundem requirentibus laudabilibus eorum libertalum praerogativis, quibus ab olim temporibus nostrorum praedecessorum regum ut puta Hungariae atque nostris illibate freti fuissent et gavisi, a tributaria solutione in locis tributorum quorumcumque et signanter vestri in oppido vestro Rettheg vocato exigi consueti exempti sint et emancipati habeantur, nihilominus tamen tributarii vestri in dicto oppido vestro Rettheg constituti ab eis et signanter pannis et ferro aliisque rebus eorum, qui et quae eis ratione salariorum ipsorum de camara salium nostrorum regalium dari et solvi consuevissent, diversis temporibus et praesertim dum ipsi in nostris negotiis et factis regalibus hincinde proficiscerentur, contra praemissas eorum libertatum et consuetudinum praerogativas tributum seu tributariam solutionem exigere et extorquere non cessarent, propter quae facta nostra regalia circa expeditionem dictorum salium nostrorum regalium per eos expedienda plerumque non sine nostrae maiestatis damno negligentiam paterentur in eorundem exponentium libertatum praescriptarum derogamen et damnum, immoverius dictarum camararum salium nostrorum praemissorum iacturam satis grandem. Verum quia nos sicuti nostris regalibus sic non minus illorum, qui nobis et sacrae ipsius regni nostri Hungariae coronae immediate sunt subiecti, laudabilibus libertatum praerogativis per quospiam nolumus indebite derogari, igitur fidelitati vestrae¹⁾ et cuiuslibet vestrum firmo nostro regio mandamus sub edicto, secus nullatenus habere volentes, quatenus a modo in antea temporibus semper affuturis a praedictis civibus, hospitibus et populis dictorum oppidorum nostrorum Dees et Akna necnon praemissis pannis, ferro aliisque rebus et bonis eorum contra eorum libertatum praerogativas et laudabiles consuetudines, quibus ipsi ab olim usque in praesens rite freti fuisse et fruere debere perhibentur, nullum tributum nullamve tributariam solutionem petere seu exigere aut peti seu exigi facere praesumatis modo aliquali, sed sinatis et permitti faciatis eos et quemlibet eorum simul cum praemissis pannis, ferro aliisque rebus et bonis ipsorum iuxta exigentiam praemissarum libertatum et laudabilium consuetudinum eorum tute et libere eundo et redeundo hincinde proficisci totiens, quotiens fuerit opportunum. Secus non facturi gratiae nostrae sub obtentu. Praesentes etiam perlectas reddi iubemus praesentanti. Datum Brassouiae, feria tertia proxima post dominicam Reminiscere, anno domini millesimo quadringentesimo vigesimo septimo, regnorum nostrorum anno Hungariae et cetera quadragesimo, Romanorum decimo septimo et Bohemiae septimo.

Von der Kanzlei: T. Lecta.

Unter dem Siegel: Relatio Mychaelis Jakch comitis Siculorum. [S. 279]


1) Vorlage: vestri.^{^}