Urkunde Nr. 464 aus Band I

Seite im UB:

421

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 62 684.

Druckvorlage:

nach Original

Abdruck als:

Volltext

Sprache:

Latein

---

464

Diemrich 1328 Juli 20 ^a) Woiwode Thomas nimmt die Hörigen Henuls auf dessen Besitzungen Neppundorph und Borgo in seinen Schutz.

Thomas vaivoda Transsiluanus et comes de Zonuk fidelibus suis universitati iobagionum Johannis dicti Henul, filii Johannis filii Geubul, in possessionibus suis Neppundorph et Purgo vocatis existentibus omnimodam dilectionem. Datur nobis intelligi, quod vos audito aliquo rumore dispergi de ipsis possessionibus intenderetis, unde cum hoc verum non sit, assecuramus et affidamus vos firmiter fide nostra per praesentes, quatenus obmissis omnibus rumoribus absque omni timore pacifice et quiete in vestris aedibus manere debeatis sub nostra protectione speciali, et qui causa commorandi ad easdem venire voluerint, libere veniant et secure commorentur. Nos enim tam venientes quam in eisdem existentes ab omnibus molestare volentibus protegemus, ipsas autem possessiones eidem Henul mediante privilegio domini nostri regis perpetuo et irrevocabiliter omnibus impetitoribus silentium imponendo faciemus confirmare. Datum in Dewa, in festo beati Elyae prophetae, anno domini M^o CCC^o XX^mo. octavo.


a) Ausstellungsort im UB als: Deva.^{^}