Urkunde Nr. 1991 aus Band IV

Seite im UB:

269-270 ^a)

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 2.

Druckvorlage:

nach Original

Abdruck als:

Volltext

Sprache:

Latein

---

1991

Rosenau 1427 Januar 24 König Sigmund verbietet den Umwohnern von Wolkendorf, ihr Vieh auf Wolkendorfer Hattert zu weiden.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris universis et singulis nobilibus, Saxonibus, Siculis et Wolachis³⁾ prope et circum villam Walkan⁴⁾ vocata constitutis et commorantibus quibus praesentes ostenduntur salutem et gratiam. Venientes nostrae maiestatis in praesentiam fideles nostri discretus vir dominus Paulus plebanus et Cristannus villicus de dicta Walkan⁴⁾ in eorum ac universorum incolarum, populorum et iobagionum totiusque communitatis ipsius villae nostrae Walkan nominibus et personis nobis exposuerunt graviter conquerendo, quomodo nonnulli forent ex vobis qui audita et percepta [S. 270] combustione literalium instrumentorum eorundem, quae ipsi super facto cuiusdam montis silvosi ad dictam villam nostram ut dicitur spectantem habuissent confecta, tempore devastationis huius nostri districtus Barcza vocati per saevissimos Turcos facta eundem montem ac silvam ipsorum qui scilicet semper et ab antiquo ad eandem villam nostram pertinuissent et pertinerent et in quibus ipsi populi et iobagiones nostri tempore aestatis pecudes et pecora ipsorum pavissent et pascendi causa conservassent pro se ipsis indebite et minus iuste usurpare ac appropriare in eisdemque monte et silva pecudes et pecora ac animalia eorum absque voluntate et annuentia ipsorum exponentium pascere et nutrire consuevissent vellentque et niterentur pascere et nutrire etiam de praesenti quod in ipsorum exponentium praeiudicium et damnum cederet ac iuris derogamen multum grande. Supplicarunt itaque his expositis praetacti dominus Paulus plebanus et Cristannus villicus ipsorum et aliorum quorum supra nominibus maiestati nostrae humililer et devote ut ipsis superinde de opportuno remedio dignaremur providere. Unde cum nos ipsos populos et iobagiones nostros de dicta Walkan praetactis monte et silva in quantum iidem alias et ab antiquo ad eandem villam pertinuerunt non velimus destitui et privari, igitur fidelitati vestrae universitatis et vestrum scilicet firmo nostro regio damus sub praecepto mandantes seriose, quatenus visis praesentibus agnitaque earum notitia praefatos populos, iobagiones et incolas praescriptae villae nostrae Walkan¹⁾ vos aut aliqui ex vobis in iam fatis monte et silva ipsorum, quos iidem ut praefertur ad dictam villam nostram et ad se ipsos de iure et ab antiquo pertinuisse et pertinere debere asserunt, nullatenus impedire seu molestare nec huiusmodi montem et silvam pro vobis seu vestro usui occupare aut appropriare immo neque pecudes et pecora ac animalia vestra absque annuentia et voluntate eorundem populorum et iobagionum nostrorum de Walkan monte et silva in eisdem pascere seu nutrire aut conservare praesumatis nес sitis ausi modo aliquali. Commisimus enim et serie praesentium committimus fidelibus nostris magnificis Johanni et Michaeli Jakch de Kwsal modernis atque futuris Siculorum nostrorum comitibus eorundemque vices gerentibus praesentium notitiam habituris, ut ipsi praefatos populos et iobagiones nostros de dicta Walkan iuribus ipsorum requirentibus in domino saepedicti montis et silvae praenotatae contra vos et alios quoslibet illegitimos impetitores conservare, protegere et tueri debeant atque defensare. Secus ergo facere non ausuri in praemissis. Praesentes etiam perlectas reddi iubemus praesentanti.
Datum in oppido nostro Rosonow vocato, feria sexta proxima ante festum conversionis beati Pauli apostoli, anno domini millesimo quadringentesimo vigesimo septimo, regnorum nostrorum anno Hungariae et cetera XL^o, Romanorum XVII^o et Bohemiae septimo.

Unter dem Siegel: Commissio propria domini regis. [S. 271]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-4 auf S. 269 (1-2 zu voranstehender Urkunde), 2 auf S. 270 (hier zu 1 berichtigt; Anmerkungstext fehlt im UB).^{^}
[S. 269]
3) 1519: Volahis.^{^}
4) Ebenda immer: Valkan. [2x]^{^}
[S. 270]
1) Ebenda immer: Valkan. [Anmerkungstext fehlt im UB, Note als 2]^{^}