Urkunde Nr. 1987 aus Band IV

Seite im UB:

265-266

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1987

Kronstadt 1427 Januar 6 König Sigmund beauftragt das Weissenburger Kapitel Johann, den Sohn des Johann Gereb, und Demetrius, den Sohn des Andreas von Weingartskirchen, in den Besitz von Spring und Troschen einzuführen.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus [S. 266] nostris capitulo ecclesiae Transsiluanae salutem et gratiam. Dicitur nobis in personis Johannis filii Johannis dicti Gereb ac Demetrii filii Andreae de Wyngarth, quomodo quaedam possessiones ipsorum Spreng et Drasso vocatae in comitatu Albensi existentes nunc apud manus alienas habitae ipsos iusto iure titulo concernentes legitima recaptivatione et sibi ipsis statuifactione plurimum indigerent. Super quo fidelitati vestrae firmiter praecipiendo mandamus quatenus vestrum mittatis hominem pro testimonio fidedignum. Quo praesente Nicolaus de Chyfod vel Petrus magnus de Galthw seu Ladislaus de eadem sin Nicolaus de Hwzywtelek sive Stephanus de eadem an Paulus de Kereki neve Andreas de Fahyd aliis absentibus homo noster ad facies praefatarum possessionum vicinis et commetaneis ipsarum universi inibi legitime convocatis et praesentibus accedendo recaptivet easdem nomine iuris praefatorum Johannis et Demetrii recaptivatosque¹⁾ et ab aliorum iuribus possessionariis metaliter distinctos et separatos²⁾ statuat³⁾ eisdem praemisso iure ipsis incumbenti perpetuo possidendum si non fuerit contradictum. Contradictores vero si qui fuerint evocet ipsos contra antelatos Johannem et Demetrium in praesentiam vaivodae partium nostrarum Transsiluanarum ad terminum competentem rationem contradictionis eorum reddituros. Et post haec huiusmodi possessionarii recaptivationis et statutionis seriem cum nominibus contradictorum et evocatorum si qui fuerint terminoque assignato eidem vaivodae more solito rescribalis. Datum Brassoviae in festo Epiphaniarum domini, anno eiusdem M^o CCCC^o XX^o septimo, regnorum nostrorum anno Hungariae et cetera XL^o Romanorum XVII^o et Bohemiae septimo.

Auf der Rückseite vom Schreiber der Urkunde Adresse: Fidelibus nostris capitulo ecclesiae Transsiluaniae pro Johanne filio Johannis dicti Gereb ac Demetrio filio Andreae de Wyngarth recaptivatoria.

Von anderer gleichzeitiger Hand: Nicolaus de Hozywthelk, capituli Gregorius presbyter. Statutio fuit proximo sabbato ante festum beati Feliciani ubi Mathias officialis de Spreng in personis domini Michaelis filii Salomonis de Nadasd alias [ ]⁴⁾ comitis Siculorum et alterius Mychaelis filii Salomonis[ ]⁴⁾ contradixit ad octavas festi purificationis.⁵⁾ Solvit. [S. 267]


1) Gebessert aus: recaptivatamque.^{^}
2) Hierauf: relinquat und ein übergeschriebenes unleserliches Wort durchgestrichen.^{^}
3) Hierauf: que easdem durchgestrichen.^{^}
4) Unleserlich. [2x]^{^}
5) Februar 9.^{^}