Urkunde Nr. 1982 aus Band IV

Seite im UB:

258-261 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1982

Lippa 1426 November 5 König Sigmund erteilt Johann Grebe, Jakob, dem Bürgermeister und Andreas dem Richter von Hermannstadt und den übrigen Hauptleuten der zum Schutze Dans II., des Woiwoden der Walachei, aufgestellten Truppen Befehle und Anweisungen.

Von der Kanzlei: Commissio propria domini regis.

[S. 259] Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex. Fideles dilecti. Scituri quod nos egregium logofetum seu cancellarium fidelis nostri dilecti magnifici Daan partium nostrarum Transalpinarum vaivodae per ipsum pridem in suis legationibus seu ambasiatis ad nostram transmissum maiestatem, die hodierna in praedictis legationibus expeditum ad praefatum Daan vaivodam remisimus. Et tempore ipsius remissionis nobis cum magnifico Pipone de Ozora comite Themesiensi et ceteris nostris baronibus nobiscum existentibus praesente praefato logofeto super eo, quibus viis et modis mediantibus eundem Daan vaivodam in domino suo praenotato possemus praeservare tractantibus praescriptus logofetii seu cancellarius allegavit eo modo, quod pro custodia personae propriae dicti Daan vaivodae sufficerent sexingenti equites et pedites Volahi vel pauciores, qui cum ipso Daan vaivoda continue permanerent.
Nos itaque audita praefati logofeti responsione pro praefati Daan vaivodae propriae personae defensione ex deliberatione praefati comitis Piponis et ceterorum baronum nostrorum disposuimus, ut in custodia et tutela speciali ipsius Daan vaivodae mille homines, centum videlicet equites et noningenti pedites debeant continue apud ipsum Daan vaivodam perseverare.
Item dum praefatum logofetum super eo, quantum¹⁾ uno die ad unum equitem et ad unum peditem salarium sufficeret deputari, requisitum habuimus, idem logofetus allegavit, quod unus Volahus eques pro suo salario unius diei in uno perpele et tres Volahi pedites similiter in uno perpele contentarentur, et ipsis²⁾ talismodi salarium sufficeret deputari. Quae omnia nos parati sumus iuxta ipsius logofeti allegationem effectualiter perficere et adimplere.
Item volumus et eidem fidelitati vestrae committimus, quatenus de³⁾ solutione praemissi salarii dictis mille hominibus persolvendi diligenter de eo videlicet, utrum praemissi mille homines Wolahi cum minori summa pecuniae, prout idem logofetii nobis retulit, valeant expediri, perscrutari et edoceri debeatis, quia si cum minori summa pecuniae praedictae mille homines Wolahi, qua dictus logofeth refert, contentabuntur, tunc plures gentes cum dicta pecunia possent conservari. Et si ex huiusmodi scrutinio plures gentes, quam dictos mille Wolahos⁴⁾ cum dicta pecunia agnoveritis posse conservari, ex tunc praefatum Daan vaivodam de eo, quod praedicta summa pecuniae pro conservatione maioris quantitatis gentium quam dictorum mille Wolahorum se extendere potest, suo modo debeatis informare. [S. 260] Item volumus et eidem fidelitati vestrae committimus, ut cum dicto Daan vaivoda tali modo tractare et in ipsis tractatibus disponere debeatis, ut praescriptam summam¹⁾ pecuniae, quae per nos ratione salarii dictorum mille Wolahorum sibi assignabitur, non aliis nisi ad ipsos mille Wolahos exponere et eandem eisdem de die in diem plenarie dare et persolvere debeat sine defectu aliquali.
Item quia nos vobiscum et universitate partium nostrarum Transsiluanarum certos tractatus commune bonum concernentes habere volumus, pro eo fidelitati vestrae committimus seriose, quatenus vos Jacobe magister civium personaliter cum aliquibus paucis potioribus capitaneis Saxonum et nobilium ac gentium Brassouiensium consiliis, qui vobis experti et ad huiusmodi tractatus ingenii maturiores esse videbuntur, demptis tamen Johanne Gereb et Andrea iudice civitatis nostrae Cibiniensis, quos in capitaneos et ductores speciales gentium nostrarum exercitualium nobilium videlicet et²⁾ Saxonum duximus praeficiendos, ad nostram maiestatem in dictas partes Transsiluanas, ubi nos audieritis fore constitutos, venire debeatis sine mora.
Item mandavimus et seriose commisimus per alias literas nostras universis nobilibus ac Siculis et Saxonibus necnon civitatibus et quibuslibet districtibus partium nostrarum Transsiluanarum praedictarum ut si quicumque ex ipsis gentes³⁾ ipsorum exercituales iuxta nostram dispositionem pridem per nos cum ipsis factam in succursum dicti Daan vaivodae nondum direxissent, ex tunc easdem gentes ad praefatum Daan vaivodam inibi usque tempus debitum per nos ad id deputatum permansuras debeant destinare sine mora.
Item mandavimus quoque et seriose commisimus per certas alias literas nostras universis et singulis nobilibus, Saxonibus et Siculis necnon civitatibus et districtibus partium nostrarum Transsiluanarum, ut si quipiam ex ipsis⁴⁾ iuxta nostrae maiestatis dispositionem pridem cum ipsis factam gentes ipsorum exercituales versus praefatum Daan vaivodam nondum adhuc direxissent et transmisissent, destinare debeant sine mora.
Et ecce pecunia pro solutione salarii unius mensis dictorum centum equitum et noniugentorum peditum Volahorum per cives Cibinienses per nos iam ibi directa vobis apportabitur. Et laboretis apud eundem Daan vaivodam, ut dicta pecunia non aliis nisi dictis centum equitibus et noningentis peditibus pro custodia suae personae deputatis de die in diem distribuatur.
Item de ulteriori solutione huiusmodi pecuniae dispositionem⁵⁾ de mense in mensem faciemus. Unde resciatis ab ipso Daan vaivoda, [S. 261] ubi ipsam pecuniam an in Cibinio vel in Brassouia habere voluerit. Et in quacumque dictarum civitatum eandem habere volebit, in tali civitate dispositionem de solutione ipsius pecuniae faciemus, itaque¹⁾ ad quemlibet mensem huiusmodi pecunia successive sibi persolvelur. ²⁾
Item³⁾ ultra praedictos mille homines dispunere volumus, ut semper gentes nostrae exercituales in illis partibus pro tuitione personae ipsius Daan vaivodae conserventur. Quare fidelitati vestrae committimus, ut ad nostram maiestatem citissime venire debeatis, quia habitis vobiscum ac cum ceteris partium nostrarum⁴⁾ Transsiluanarum fidelibus tractatibus viam et modum invenire volumus, ut huiusmodi gentes nostrae⁵⁾ exercituales inibi valeant conservari ita videlicet, ut quousque unus exercitus de illis partibus revertetur, semper ante reversionem ipsius alter exercitus noster in illis partibus constituatur. Datum in civitate nostra Lippa vocata, in festo beati Emerici ducis, anno domini millesimo quadringentesimo vigesimo sexto, regnorum nostrorum anno Hungariae et cetera XXXX, Romanorum XVII^o et Bohemiae septimo.

Adresse: Fidelibus nostris Johanni Grebe, Jacobo magistro civium, Andreae iudici civitatis nostrae Cibiniensis ceterisque capitaneis gentium nostrarum exercitualium nunc apud magnificum Daan partum nostrarum Transalpinarum vaivodam constitutarum nobis grate et sincere dilectis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 259, 1-5 auf S. 260, 1-5 auf S. 261 (dortige 6 zu nachfolgender Urkunde).^{^}
[S. 259]
1) antum auf Rasur.^{^}
2) Hierauf Rasur, 0.5 cm breit. ^{^}
3) Gebessert aus: in.^{^}
4) Auf Rasur. ^{^}
[S. 260]
1) Vorlage: praescripta summa.^{^}
2) Über der Zeile nachgetragen.^{^}
3) Gebessert aus: gentibus.^{^}
4) Auf Rasur.^{^}
5) Vorlage: dispositone.^{^}
[S. 261]
1) que auf Rasur.^{^}
2) tur auf Rasur. Ende der ersten Seite.^{^}
3) Fortsetzung auf der Rückseite.^{^}
4) Über der Zeile nachgetragen.^{^}
5) Gebessert aus: vestrae.^{^}