Urkunde Nr. 1970 aus Band IV

Seite im UB:

240-242 ^a)

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 135.

Druckvorlage:

nach Original

Abdruck als:

Volltext

Sprache:

Latein

---

1970

Ungarisch-Brod 1425 Dezember 14 König Sigmund beauftragt Petrus, den Comes der Sekler, mit der Entscheidung des Grenzstreites zwischen Marienburg und Rotbach.

Von der Kanzlei: De propria commissione domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fideli nostro dilecto magnifico Petro de Pelsewch comiti Siculorum nostrorum salu- [S. 241] tem et gratiam. Pro parte fidelium nostrorum universorum civium et hospitum seu populorum nostrae villae regalis Fewldwar nuncupatae celsitudini nostrae exponitur gravi sub querela, quod quamquam quaedam particula terrae contentiosae inter villas nostras regales Fewldwar praedictam et Weresmorth appellatas situata iuxta iudicium et sententiam, quod et quam iudex et iurati cives Brassovienses necnon seniores iudices et Saxones septem sedium partium nostrarum Transsiluanarum pro parte ipsorum civium et hospitum de Fewldwar fecissent et tulissent eis adiudicata et restituta metaeque quibus ipsa terrae particula a terris dictae villae nostrae Weresmorth separaretur inter ipsas villas legitime erectae exstiterint prout etiam super hoc in quibusdam literis quondam serenissimi principis domini Lodovici regis Hungariae patris et soceri nostri carissimi necnon praedictorum seniorum iudicum et Saxonum superinde confectis plenius contineretur, tamen demum praedicti populi et hospites de dicta Weresmorth vigore cuiusdam sententiae per magnificum Michaelem filium Salomonis de Nadasd pridem similiter comitem Siculorum nostrorum ac praedictos iudices et iuratos Brassovienses in contrarium propriarum literarum eorundem iudicum et iuratorum ac seniorum et Saxonum immo etiam praedicta quondam domini Lodouici regis indebite et minus iuste ut dicitur latae, se de praedicta terrae particula et eius usu rursus et iterum intromittere dictosque exponentes in eadem diversimode impedire et ab eiusdem utensione repellere non cessarent in eorum iuris praeiudicium non modicum atque damnum, non obstante, quod dicti populi et hospites de Fewldwar ab ipsa sententia et eius gravamine ad nostram personalem praesentiam provocando appellassent discussioque causae huiusmodi primum fidelibus nostris magnificis Nicolao de Chaak dictarum partium nostrarum Transsiluanarum vaivodae et praedicto Michaeli comiti Siculorum et demum etiam vobis et eidem vaivodae virtute certarum literarum nostrarum commissa fuerit pendeatque ipsa causa etiam usque in praesens indecisa. Super quo supplicatum exstitit, dictis exponentibus per nostram maiestatem opportune provideri. Cum autem nos ullam partium praedictarum suis iustis iuribus per alteram earundem indebite et potentialiter privari nolentes huiusmodi litium anfractibus per vos nostrae maiestatis in persona finem ipsorum velimus decisivum. Igitur fidelitati vestrae firmiter praecipiendo mandamus, quatenus habita praesentium notitia in uno certo termino praedictis utrisque partibus per vos ad id praefigendo eisdem coram vobis legitime convocatis et praesentibus auditisque ipsarum partium propositionibus et responsionibus ac revisis et diligenter examinatis earum iuribus et literalibus instrumentis praemissum factum tangentibus, quae¹⁾ per easdem partes tunc inibi vestri in praesentia produci et exhiberi harum serie iubemus dictam causam cum suis incidentibus, [S. 242] enurgentibus, connexis et annexis inter dictas partes iusto iuris tramite iudicare, diffinire et fine debito et conclusivo terminare ac utramque partium in suo iure relinquere debeatis, praemissis prioribus commissionibus nostris ac processibus exinde secutis in quantum iuri viderentur contrariari non obstantibus in hac parte. Aliud non facturi in praemissis gratiae nostrae sub obtentu. Praesentes etiam perlectas reddi iubemus praesentanti. Datum in Broda Hungaricali, sabbato proximo post festum beatae Luciae virginis et martyris, anno domini M CCCCXXV,¹⁾ regnorum nostrorum anno Hungariae et cetera XXXIX, Romanorum XVI et Bohemiae sexto.

Unter dem Siegel: De propria commissione domini regis.

Von der Kanzlei unten links: Lecta.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 241 und 1 auf S. 242 (dortige 2 zu nachfolgender Urkunde).^{^}
[S. 241]
1) е auf Rasur; gebessert aus: quas.^{^}
[S. 242]
1) Vorlage: MCCCCXXVI, das I Zeichen neben V ist aber etwas heller; es wurde vielleicht später hinzugefügt oder es liegt ein Versehen des Schreibers vor, denn die Urkunde ist, wie aus dem Itinerar König Sigmunds und aus den angeführten Regierungsjahren hervorgeht, zweifellos aus dem Jahre 1425.^{^}