Urkunde Nr. 1963 aus Band IV

Seite im UB:

232

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 65.

Druckvorlage:

nach Original

Abdruck als:

Volltext

Sprache:

Latein

---

1963

Stuhlweissenburg 1425 April 4 König Sigmund ersucht Dan II., Woiwoden der Walachei, die Bewohner des Burzenlandes nicht zur Annahme des von ihm geprägten Geldes zu zwingen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fideli nostro dilecto spectabili et magnifico Daan partium nostrarum Transalpinarum vaivodae salutem et gratiam. Ex querulosa insinuatione fidelium nostrorum dilectorum universorum civium et hospitum nostrae civitatis Brassouiensis et provinciae Barza ad eandem civitatem nostram pertinentis ad nostrae deductum est audientiam maiestatis, quomodo vos ipsos exponentes ad recipiendum et tollendum in eorum medio ac in dictis civitate et provincia Barcza monetam vestram, quae in vulgari Walachali ducat nuncuparetur, eis invitis et violenter compellere niteremini et velletis, in cuius receptione ipsis non modicum damnum posset procul dubio evenire. Verum quia nos dictos nostros cives et hospites ad capiendum et recipiendum huiusmodi monetam vestram sic violenter et coactim compelli nolumus et arctari, idcirco eandem vestram gratam fidelitatem requirimus et hortamur eidem firmiter committentes, quatenus a modo in posterum praedictos cives et hospites praedictarum civitatis et provinciae nostrarum ad recipiendum et acceptandum praescriptam monetam vestram sic violenter et coactim compellere et adstringere nequaquam debeatis. Aliud pro nostra gratia non facturi in praemissis. Praesentes etiam perlectas semper reddi iubemus praesentanti. Datum in Albaregali, feria quarta proxima post dominicam Ramispalmarum, anno domini MCCCCXXV^o regnorum nostrorum anno Hungariae et cetera XXXIX^o, Romanorum XV^o et Bohemiae quinto.

Unter dem Siegel Kanzleibemerkung.

Auf der Rückseite von gleichzeitiger Hand: Ut non arctetur provincia ad recipiendum ducat.