Urkunde Nr. 1961 aus Band IV

Seite im UB:

228-230 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Abschrift

Abdruck als:

Volltext

Sprache:

Latein

---

1961

1425 Januar 27 Das Weissenburger Kapitel setzt die von den Bewohnern von Klein-Schlatten zu entrichtende jährliche Abgabe auf 60 Goldgulden fest, und behält sich bei Rechtsstreitigkeiten der Bewohner untereinander, Berggerechtsame ausgenommen, die letzte Entscheidung vor.

[S. 229] Capitulum ecclesiae Transsilvaniensis omnibus Christi fidelibus, tam modernis, quam futuris, praesens scriptum inspecturis, salutem in omnium salvatore. Quoniam unicum est oblivionis irretractabile remedium scriptura, quae calamitosorum misere silentium, modum contentationis explicans, sua serie loquitur praesentibus et posteris veritatem, proinde ad universorum notitiam harum serie volumus pervenire, quod cum nos nuper, anno videlicet proxime elapso, super possessionem nostram Zalathna-Banya vocatam ac cives et hospites nostros de eadem pro quibusdam nostris et dictae ecclesiae nostrae arduis causis et negotiis certos census imponere decrevissemus ac ab eisdem exigere voluissemus, praedicti cives et hospites nostri, inter se consultantes et nescitur quo ducti consilio insurgentes, ratione praedictorum censuum, modo praemisso super eos impositorum in praesentia serenissimi principis domini Sigismundi, dei gratia Romanorum regis semper augusti, ac Hungariae. Bohemiae, Dalmaciae, Croaciae et cetera regis, domini nostri naturalis et metuendi, contra nos litem et causam movere praesumpserunt, ac in ipsa lite et causa, in dicti domini nostri regis praesentia, multis diebus et terminis, frequenti sollicitudine annuentiam et favorem, toto conaminis nisu procurarunt, sperantes aliquid lucri exinde reportare. Verum quidem, cooperante conditoris clementia, cuius nutu cuncta disponuntur, praedictus serenissimus dominus noster rex, a cuius celsitudine aequitatis munificentia cunctis consuevit elargiri, una cum suis praelatis et baronibus praedictam causam, modo supra dicto inter nos et dictos cives nostros occasione praemissa motam et exortam, visis nostris, et dictae ecclesiae nostrae iuribus coram sua serenitate specietenus productis, per suas sententias definitivas taliter decrevit terminandam et adiudicandam, ut nos temporibus successivis dictos nostros cives et hospites pro nostris et dictae ecclesiae nostrae arduis causis et¹⁾ neccessitatibus, ad instar aliorum iobagionum nostrorum, dicandi et taxandi, iuxta dictarum literarum adiudicatoriarum et sententionalium praedicti domini regis nostri exinde confectarum et emanatarum [continentiam], per singula liberam habeamus facultatem. Tandem vero dicti cives et hospites nostri, sentientes, se exinde posse forsitan in posterum aliquomodo aggravari, proinde circumspectis viris, Sigismundo iudice ipsorum ac Benedicto Pents dicto et Johanne Nigro necnon altero Johanne Gros consociis suis, civibus nostris de eadem ex parte ipsorum ad nos admissis, nobis cum instantia tam humiliter quam sollicite supplicare studuerunt. quod ipsorum insultationibus et importunitatibus hac in parte per eos tentatis, qualiter contra nos factae ac suscitatae et perpetratae, de nostrae pietatis largitate ignosceremus, ac ex sola nostra favorabilis liberalitatis munificentia eisdem tales libertates annuere et concedere dignaremur, ut ipsi et eorum successores perpetuis temporibus, annis sin- [S. 230] gulis, unum certum censum seu collectum prout aliis temporibus praeteritis solvere teneantur, augmentando videlicet illam summam, puta quinquaginta florenos puri auri, quam per suos in festo beati Georgii martyiris¹⁾ annis continuis solvere consuevissent. Nos itaque quamquam in praesenti negotio plures et varios labores et expensas pertulerimus, mutua tamen inter nos deliberatione praehabita, quamquam ius, iuxta seriem dictarum literarum adiudicatoriarum et sententionalium annotati domini nostri regis, ex parte dictorum nostrorum civium et hospitum multo plura singulis annis clare agnoverit provenire, nihilominus tamen pro uberiori et prosperiori successu donatariorum serenitatis dicti domini nostri regis eiusdem loci, ex fidelitate praecipua, qua dicto domino nostro regi censemur obligari consequenterque pro meliori statu dictorum nostrorum civium et hospitum de dicta Zalathna-Banya, eisdem civibus et hospitibus nostris hanc libertatem perpetuo duraturam duximus concedendam et concedimus harum nostrarum testimonio et vigore literarum mediante, ut ipsi et eorum successores annis singulis in perpetuum, octavo die festi beati Georgii martyris, ²⁾<fnz>sexaquinta florenos auri puri per ipsorum expensas hic Albae, dissimulatione et prorogatione ac occasione quibuslibet in hac parte prorsus relegatis, nobis et nostris succesoribus dent et solvant. Super qua quidem libertate praedicti cives et hospites nostri benevole contenti, eandem ratam et gratam habendo nobis de ipsa plurimum regratiati exstiterunt, ac praenotati Sigismundus, Benedictus dictus Pents, Johannes Niger necnon alter Johannes Gros in eorum et dictorum civium nostrorum nominibus ad praemissa sponte se obligarunt coram nobis testimonio praesentium mediante. Praeterea decrevimus faciendum, ut si aliquae causae super facto domus, terrarum arabilium, pratorum et aliarum utilitatum terrae nostrae de eadem, exceptis causis et negotiis, quae factum urburarum eiusdem loci concernere videntur, inter dictos cives et hospites nostros accederent et emergerent, et si quae partium de iudicio et iustitia super his ibidem coram iudice et iuratis civibus nostris de dicta Zalathna-Banya factis non contentaretur, ex tunc ipse pro se suam causam pro examine et finali conclusione, per nos in huiusmodi causis et negotiis fienda, nostri in praesentia defendandi atque extrahendi habeat facultatem. In cuius rei testimonium firmitatemque perpetuam praesentes literas nostras privilegiales appensione sigilli nostri communitas praedictis iobagionibus nostris duximus concedendas. Datum sabbatho proximo post festum conversionis beati Pauli apostoli, anno domini millesimo quadringentesimo vicesimo quinto. Honorabilibus et discretis viris, dominis Georgio Lepes praeposito, Georgio cantore, Michaele custode et Blasio decano canonicis ecclesiae praenotatae salubriter existentibus et devote. [S. 231]

<fnet>a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 229, 1-2 auf S. 230.</fnet>
[S. 229] <fnzt>1) Vorlage: causaque.</fnzt>
[S. 230] <fnzt>1) April 23.</fnzt> <fnzt>2) Mai 1.</fnzt>