Urkunde Nr. 1953 aus Band IV

Seite im UB:

215-216

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1953

Ofen 1424 Juli 2 König Sigmund ersucht das Weissenburger Kapitel bei der Einführung des Stephan Dorn von Mediasch und dessen Gattin Ursula in den Besitz von Dâmbău/ Küküllődombó, das ihnen verpfändet worden ist, mitzuwirken.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris capitulo ecclesiae Transsilvanae salutem et gratiam. Cum nos quandam possessionem nostram regalem Dombo appellatam in comitatu de Kykellew in partibus nostris Transsiluanis habitam per defectum seminis quondam Bwken filii Bwken de Lapaath iuxta approbatam praedicti regni nostri Hungariae ad manus nostras regias rite et rationabiliter devolutam et etiam nunc in manibus nostris regiis habitam fidelibus nostris strenuo Stephano dicto Dorn de Megyes aulae nostrae militi, necnon nobili dominae Ursulae consorti¹⁾ suae heredidibusque ipsorum utriusque sexus simul cum omnibus suis utilitatibus et pertinentiis, terris ut puta arabilibus, cultis et incultis, silvis, nemoribus, pratis, fenetis, aquis, fluviis aquarumque decursibus et generaliter cunctis utilitatum integritatibus quovis nominis vocabulo vocitatis sub eius veris metis et antiquis limitibus quibus hactenus rite tenta fuit et possessa vigore aliarum literarum exinde confectarum pro certa summa pecuniae in eisdem aliis literis nostris expressatis duxerimus pignori obligandam volumusque eosdem Stephanum militem et nobilem dominam consortem suam in dominium eiusdem per [S. 216]nostrum et vestrum homines legitime facere introduci, igitur fidelitati vestrae firmiter praecipimus et mandamus, quatenus vestrum mittatis hominem pro testimonio fide dignum, quo praesente Blasius de Blasfalwa aut Emericus filius Michaelis de Galfalwa vel Gallus de Desfalwa sin Georgius filius Jacobi de Haranglab seu Andreas de Darlaz sive Georgius filius Nicolai filii Sandor de Senthmarthon neve Martinus vel Clemens ac Georgius de Mihalfalwa aliis absentibus homo noster ad faciem praedictae possessionis Dombo, vicinis et commetaneis eiusdem universis inibi legitime convocatis et praesentibus, accedendo introducat praefatos Stephanum et nobilem dominam consortem suam in dominium eiusdem statuatque eandem eisdem praemisso pignoris titulo possidendam, si non fuerit contradictum. Contradictores vero si qui fuerint, citet eos contra memoratos Stephanum militem ac nobilem dominam Ursulam consortem eiusdem vaivodalem in praesentiam ad terminum competentem rationem contradictionis eorum reddituros efficacem. Et post haec huiusmodi possessionariae introductionis et statutionis seriem cum nominibus contradictorum et citatorum si qui fuerint terminoque assignato eidem vaivodae more solito rescribatis. Datum Budae, in festo visitationis virginis gloriosae, anno domini millesimo quadringentesimo vicesimo quarto, regnorum nostrorum anno Hungariae et cetera XXXVIII^o, Romanorum quartodecimo et Bohemiae quarto.


1) Vorlage: consortis.^{^}