Urkunde Nr. 1942 aus Band IV

Seite im UB:

205-206

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 38.

Druckvorlage:

nach Original

Abdruck als:

Volltext

Sprache:

Latein

---

1942

Ofen 1423 November 5 König Sigmund verbietet alten freien Bewohnern Siebenbürgens, Grundhörige, die ihre Abgaben entrichtet haben, an der Ansiedlung auf den Besitzungen der Hermannstädter Propstei zu hindern.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmachiae, Croaciae et cetera rex fidelibus [S. 206] nostris universis et singulis proceribus, nobilibus, castellanis necnon civitatibus et liberis villis ipsarumque rectoribus videlicet iudicibus, villicis et aliis quibusvis conditionis et praeeminentiae hominibus et incolis partium nostrarum Transsiluanarum praesentium notitiam habituris salutem et gratiam. Exposuit nostrae sublimitati fidelis noster dilectus et devotus, reverendus in Christo pater dominus Nicolaus, episcopus ecclesiae Waciensis comesque capellae nostrae maiestatis ac gubernator praepositurae Cybiniensis, ad ipsam capellam nostram regiam annexae cum querela, quomodo nonnulli forent ex vobis, qui iobagiones de eorum possessionibus iuxta consuetudinem dicti regni nostri, habita licentia iustoque terragio deposito et aliis suis debitis solitis persolutis ad possessiones iam fatae praepositurae Cybiniensis commorandi causa se transferre volentes abire non permitterent, decretum nostrae maiestatis generale alias una cum praelatis et baronibus praefati regni nostri superinde editum et stabilitum vilipendendo in praeiudicium et damnum dictae praepositurae valde grande. Super quo fidelilati vestrae firmiter praecipiendo mandamus, quatenus universos et quoslibet iobagiones ad praefatas possessiones praedictae praepositurae Cybiniensis modo praehabito commorandi causa transferre volentes libere et pacifice absque quolibet impedimento abire et transire permittatis et permitti faciatis. Qui si feceritis bene quidem alioquin commisimus et praesentium serie committimus fideli nostro viro magnifico Nicolao de Chaak vaivodae dictarum partium nostrarum Transsiluanarum vel vicevaivodae eiusdem, ut ipsi vos et quemlibet vestrum auctoritate nostra regia, praesentibus eis in hac parte attributa iuxta vim et formam praemissi generalis nostri decreti exinde stabiliti ad praemissa facienda cum vestris gravaminibus in eodem generali nostro decreto expressatis artius compellere et astringere debeant.¹⁾ Secus itaque pro nostra gratia facere non ausuri. Praesentes semper post lecturam reddi iubemus praesentanti. Datum Budae in festo beati Emerici ducis anno domini millesimo quadringgentesimo vicesimo tertio, regnorum nostrorum anno Hungariae et cetera XXXVII^mo Romanorum vero XIIII^mo et Bohemiae quarto.

Auf der Rückseite von einer Hand des 15. Jahrhunderts: Litera ad dimittendum jobagiones de.....


1) Gebessert aus: debebant.^{^}