Urkunde Nr. 458 aus Band I

Seite im UB:

414

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 542 - Abt. 13: K. A. Heltau [Parohia Ev. CA Cisnadie], Nr. 53.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

458

Hermannstadt 1327 September 22 Nikolaus, Dekan von Hermannstadt, spricht den zwischen den Pfarrern von Schellenberg und Heltau strittigen Zehnten dem letzteren zu.

Nos Nicolaus decanus Cibiniensis, plebanus de villa Epponis, significamus quibus expedit praesentium per tenorem, quod cum dominus Gotferdus plebanus de Schellenberch dominum Joannem plebanum de Helta pro quibusdam decimis infra erectas metas populorum de Helta excrescentibus coram nobis ordine iudiciario impugnasset, partibus hinc inde multipliciter disceptantibus, tandem dominus Gotferdus tamquam homo bonus conscientiam suam perornans taliter loquebatur, dominus de Helta de duobus unum eligat quod propono, aut ipse quadraginta viros de plebe mea eligat, quorum iuramento et testimonio probem, meas esse decimas supra dictas, aut ego viginti viros de plebe sua eligam, quorum iuramento probabit ipsas decimas esse suas. Cum igitur dominus Johannes plebanus de Helta per viginti personas, quas dominus Gotferdus de Schallemberch in Helta elegerat, praedictas decimas suas esse probare assumpsisset et termino sibi super hoc assignato ipsas viginti personas nominatim per dominum de Schallemberch electas cum aliis quam plurimis honestis viris de Helta coram nobis in Cibinio ut assumpserat statuisset et ipsi altari appropinquantes se pro ipsis decimis ad iuramentum unanimiter iniecissent, saepe dictus dominus de Schellenberch videns ipsorum constantiam immobilem ad iurandum, ipsorum iuramenta ad proborum virorum instantiam non recepit. Igitur cum nobis et confratribus nostris subscriptis videlicet domino Henrico plebano Cibiniensi, domino Chu°madro de Salisfodio, domino Ludouico de Ruffomonte, domino Petro de Talheim,¹⁾ domino Joanne de Castenholcz et aliis pluribus probis viris, nobis tunc in iudicio assidentibus ipsas decimas ad plebanum de Helta pertinere evidentissime sit probatum, ipsas praefato plebano de Helta et omnibus suis successoribus auctoritate qua fungimur statuimus perpetue possidendas, domino de Schellenberch et suis successoribus perpetuum silentium imponentes, ne ipsi supra dictum dominum Joannem de Helta vel suos successores in futuris temporibus ratione dictarum decimarum possint vel valeant aliqualiter impugnare. In cuius rei testimonium sigillum nostrum una cum sigillo capituli Cibiniensis duximus appendendum. Datum in Cibinio, anno domini millesimo trecentesimo vigesimo septimo, in festo sancti Mauricii sociorumque eius. [S. 415]


1) Vorlage: Calheim.^{^}