Urkunde Nr. 1935 aus Band IV

Seite im UB:

194-195

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

1935

Kaschau 1423 Mai 8 König Sigmund verbietet Stephan und Ladislaus, den Söhnen des Ladislaus von Losoncz, die Einwohner von Desch zu hindern, sich das Holz für den Bau ihrer Salzschiffe in den Wäldern des Schlosses Ciceu/Csicsó zu schlagen.

Von der Kanzlei: Relatio Piponis de Ozora comitis Themesyensis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris egregiis Stephano et Ladislao filiis quondam Ladislai bani de Losonch salutem et gratiam. In personis civium et hospitum civitatis [S. 195] nostrae Dees vocatae nostrae exponitur maiestati gravi sub querela, quomodo licet ipsi semper et ab antiquo pro laborandis navibus conductioni salium nostrorum necessariis silvas¹⁾ magnas¹⁾ ad castrum Chychow pertinentes¹⁾ praesertim eo tempore, quo castrum praedictum erga manus nostrae maiestatis exstitisset, ex nostrae maiestatis et aliorum regum annuentia et indultu utendi liberam habuerint facultatem post tempusque collationis ipsius castri per nos vobis factae easdem¹⁾ usi fuerint pacifice et quiete, tamen nunc vos, nescitur qua ducti praesumptione, eisdem silvas praedictas pro labore navium praedictarum pacifice uti non permitteretis plurima damna, spolia et impedimenta ratione earundem eis inferendo in eorundem nostrorum civium praeiudicium, immo verius nostrae maiestatis displicentiam non modicam et iacturam. Supplicatum itaque exstitit in personis eorundem maiestati nostrae humiliter et devote, ut eis circa praemissa remedium adhibere dignaremur opportunum. Unde cum praescriptas libertates ratione utensionis silvarum praedictarum adhuc tempore, quo castrum praedictum apud manus nostras exstitisset, eisdem civibus collatas fuisse recolamus nec enim mediante ipsius castri collatione vobis postremo facta libertates praedictas ab eisdem civibus auferre voluerimus velimusque ex hoc, cives praedictos libertatibus eisdem illibate frui et gaudere, igitur fidelitati vestrae firmo nostro regio sub edicto praecipientes mandamus, quatenus visis praesentibus praescriptas silvas ad dictum castrum pertinentes civibus nostris praedictis pro labore navium praedictarum pacifice, quiete et absque omni impedimento uti et frui permittere ipsosque ratione utensionis earundem nequaquam impedire, molestare aut damnificare debeatis singulis temporibus successivis. Alioquin commisimus et serie praesentium committimus fideli nostro magnifico Nicolao de Chak partium nostrarum Transsiluanarum vaivodae vel eius vicevaivodae, ut ipsi vos ad praemissa facienda artius compellant et astringant. Secus igitur facere non ausuri. Praesentes perlectas reddi iubemus praesentanti. Datum Cassouiae, sabbato proximo post festum beati Johannis ante portam Latinam, anno domini millesimo quadringentesimo vigesimo tertio, regnorum nostrorum anno Hungariae et cetera XXXVII^o, Romanorum tredecimo et Bohemiae tertio.

Unter dem Siegel: Relatio Piponis de Ozora comitis Themesyensis. [S. 196]


1) So Vorlage.^{^}