Urkunde Nr. 1931 aus Band IV

Seite im UB:

189-190

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 134.

Druckvorlage:

nach Original

Abdruck als:

Volltext

Sprache:

Latein

---

1931

Kaschau 1423 April 30 König Sigmund befiehlt Petrus, dem Comes der Sekler, die Bewohner von Marienburg gegen die Übergriffe seiner Dienstleute zu schützen.

Von der Kanzlei: Relatio Piponis de Ozora comitis Themesiensis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fideli nostro magnifico Petro filio palatini de Pelsewcz comiti Siculorum nostrorum salutem et gratiam. In personis iudicis iuratorum et totius communitatis civitatis nostrae Ffeldwar vocatae nostrae exponitur maiestati gravi sub querela, quomodo alias officiales et familiares aliorum comitum, vestrorum scilicet praedecessorum, singulis temporibus immutationis honoris praedicti adinventa quadam abusiva consuetudine ut super ipsos cives nostros aliquam rapinam sibi ipsis sumerent quendam fluvium Rakuspatak nuncupatum ad quandam piscinam ipsius civitatis consequenterque civitatem praedictam pro eiusdem utilitate fluentem de suo cursu excipientes in alium cursum verti fecissent et nec eundem versus et ad praedictam piscinam et civitatem fluere promisissent nisi prius cives praedictos ratione ipsius fluvii in pluribus supremis pecuniarum pactassent. Nunc vero moderni officiales familiares scilicet vestri id ipsum non sine maiori augmento renovantes ratione fluvii praescripti ipsis civibus consimilia impedimenta irrogassent et inferre non cessarent. per quod eisdem civibus in piscina praedicta et etiam in ipsius civitatis munitione damna plurima irrogarent de die in diem et successive formidarentque ex hoc cives praedicti [S. 190] consimilia evenire eis in futurum. Supplicatum itaque exstitit in personis eorundem maiestati nostrae prece humili et devota, ut eis circa praemissa remedium adhibere dignaremur opportunum. Et quia nos cives praescriptos sic indebite oppressionem et damnum pati nolumus modo aliquali, praesertim vero quia ipsa nostra munita civitas tempore necessario circumiacenti provinciae refugium et tutela poterit fieri specialis, igitur fidelitati vestrae firmiter praecipimus et mandamus, quatenus receptis praesentibus praescriptum fluvium ut praedicitur pro utilitate civitatis praedictae necessarium absque omni resistentia in meatu versus praedictam civitatem currente relinquentes eosdem cives per amplius et de cetero ab omni impedimento quod eis ratione praevia ex parte praedictorum vestrorum familiarum evenire solitum fuit praecavere, ita ut de cetero per praedictos vestros familiares et officiales civibus nostris praedictis nulla damna et impedimenta ac molestiae inferantur conservare debeatis. Secus non facturi in praemissis. Et haec volumus per futuros comites Siculorum et eorum officiales singulis futuris temporibus inviolabililer observari. Praesentes quoque perlectas reddi iubemus praesentanti. Datum Cassouiae feria sexta proxima ante festum beatorum Philippi et Jacobi apostolorum, anno domini millesimo quadringentesimo vigesimo tertio, regnorum nostrorum anno Hungariae et cetera XXXVII^mo, Romanorum tredecimo et Bohemiae tertio.

Unter dem Siegel: [Relatio Piponis de Oz]ora [comitis Theme]syensis.