Urkunde Nr. 1930 aus Band IV

Seite im UB:

188-189

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 133.

Druckvorlage:

nach Original

Abdruck als:

Volltext

Sprache:

Latein

---

1930

Kaschau 1423 April 28 König Sigmund beauftragt Nikolaus, den Woiwoden von Siebenbürgen, und Petrus, den Comes der Sekler, mit der Entscheidung des Grenzstreites zwischen Marienburg und Rotbach.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris magnificis Nicolao de Chak partium nostrarum Transsiluanarum vaivodae et Petro filio quondam Detrici palatini de Pelseuch comiti Siculorum nostrorum salutem et gratiam. Quia nos quasdam terras praetextu quarum inter hospites et populos de Ffeldwar necnon incolas et inhabitatores possessionis seu villae Veresmarlh vocatae litis et quaestionis materia verti dinoscitur iuxta series literalium instrumentorum partium praedictarum per vos debita sequestratione facere volumus rectificari, igitur fidelitati vestrae firmiter praecipiendo mandamus, quatenus in uno certo termino per vos partibus praedictis ad id praefigendo, ad facies praescriptarum terrarum partium earundem litigiosarum praesentibus partibus praedictis accedendo, revisis et intuitis iuribus et literalibus instrumentis ipsarum partium iuxta series et continentias eorundem praescriptas terras litigiosas inter praedictas partes ut praedicitur habitas rectificare et uti vobis iustum videbitur ab invicem sequestrare debeatis, ut de cetero ratione huiusmodi inter partes litis materiam non sit necesse suscitare aliqualem. Secus non facturi. Volumus tamen, ut usque tempus rectificationis et sequestra- [S. 189] tionis praedictae eaedem partes [terras]¹⁾ praedictas in eodera usu quo hactenus tenuerunt possidere debeant et conservare. Praesentes quoque post lecturam reddi iubemus praesentanti. Datum Cassouiae feria quarta proxima post festum beati Georgii martyris, anno domini millesimo quadringentesimo vigesimo tertio, regnorum nostrorum anno Hungariae et cetera XXXVII^o, Romanorum tredecimo et Bohemiae tertio.

Unter dem Siegel: Kanzleivermerk.

Auf der Rückseite vom Schreiber der Urkunde: Fewldwar.


1) Lücke 1 cm.^{^}