Urkunde Nr. 1901 aus Band IV

Seite im UB:

153-154 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 350 - Abt. 13: K. A. Mediasch [Parohia Ev. CA Mediaş], Nr. 161 (alt Nr. 207).

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1901

Mediasch 1421 Dezember 20 Nikolaus, Woiwode von Siebenbürgen, schlichtet in Gemeinschaft mit den Vertretern der Sieben und der Zwei Stühle einen Streit zwischen den Gemeinden Furkeschdorf und Meschen, die von den Meschnern auf Furkeschdorfer Hattert erworbenen Ländereien betreffend.

Nos Nicolaus de Chaak vaivoda Transsiluanus et comes de Zolnok memoriae commendamus tenore praesentium quibus expedit universis significantes, quod cum nos sabbato proximo ante festum nativitatis domini proxime affuturum¹⁾ una cum providis magistro civium de Cybinio ac certis septem sedium Saxonicalium necnon universis sedium Selk et Megges senioribus in oppido Megges fuissemus constituti, tunc pro parte universorum populorum regalium de Ffarkasteleke quaedam literae praeceptoriae serenissimi principis et domini domini Sigismundi, dei gratia Romanorum regis semper augusti ac Hungariae, Bohemiae, Dalmaciae, Croaciae et cetera regis, domini nostri naturalis gratiosissimi, nobis et universitati Saxonum praedictarum septem sedium praeceptorie loquentes, nobis et praefatis senioribus septem sedium fuerunt praesentatae, in quibus ipsa serenitas domini nostri regis nobis et ipsis septem sedium Saxonibus firmiter mandabat, ut nos simul cum senioribus dictarum septem sedium factum seu causam praefatorum populorum de Farkasteleke praedicta ab una, parte vero ex altera providorum hospitum de Musna ratione quarundam terrarum arabilium, vinearum, pratorum, fenilium habitam et inter eosdem motam utrisque partibus personaliter coram nobis convocatis auditisque ipsarum propositionibus et iuribus revisis et examinatis finaliter in persona suae regiae serenitatis decidere et de- [S. 154] terminare deberemus.¹⁾ Unde nos, habitis mandatis praefatae serenitatis domini nostri regis utrisque partibus personaliter coram nobis convocatis et existentibus, auditis etiam ipsarum propositionibus et iuribus iuxta praedictum mandatum eiusdem domini nostri regis revisis, quia uti ex universali dictorum Saxonum septem sedium testificatione pro tunc coram nobis facta intelleximus, ut - ne ipsa possessio regalis Ffarkasteleke per emptiones terrarum arabilium, viuearum, pratorum et aliarum utilitatum eiusdem quoquo modo desolaretur - universitas dictorum Saxonum septem sedium quoslibet, praesertim populos de Musna, ipsi possessioni regali Ffarkasteleke commetaneos et alios quosvis ab emptione aliquarum terrarum arabilium, vinearum, pratorum, fenilium et aliarum utilitatum ipsius possessionis Ffarkasteleke dudum, scilicet ante viginti sex annos ordine²⁾ iuris inhibuisset,³⁾ pro eo factum seu causam praedictam partes inter praedictas diutius in eadem laborantes simul cum praefatis senioribus in persona eiusdem domini nostri regis taliter adiudicantes commisimus, ut si qui hominum aliquas terras arabiles, vineas, prata, fenilia et aliquas alias quascumque utilitates post praedictos viginti sex annos contra formam inhibitionis universalis praefatorum Saxonum septem sedium in territorio dictae possessionis Farkasteleke emissent, ex tunc tales omnes terras arabiles, vineas, prata, fenilia et alias utilitates modo praemisso emptas absque aliquali repetitione pecuniarum ipsorum tamquam ius alienum admittant et de eisdem peramplius uti non possint. Si qui tamen hominum ante dictos viginti sex annos, antequam dicta inhibitio per praedictos universos Saxones septem sedium facta fuisset, in territorio dictae possessionis Ffarkasteleke aliquas terras arabiles aut vineas seu prata, fenilia et alias quascumque utilitates emissent vel ad quoscumque iure hereditario devolutae ante vel post praedictos viginti sex annos fuissent et essent, tales easdem possidere valeant atque possint, de quibus tamen servilia, dacia et alia semper iuxta solitam dictae possessionis Farkasteleke consuetudinem exhibere debeant et teneantur, testimonio praesentium mediante. Datum die et loco supra dictis, anno domini M^o CCCC^o XXI^o.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 153, 1-3 auf S. 154.^{^}
[S. 153]
1) Dezember 20.^{^}
[S. 154]
1) Fehlt in der Vorlage.^{^}
2) Folgt ein leerer Raum von 0.8 cm.^{^}
3) Vorlage: inhibuissent.^{^}