Urkunde Nr. 1886 aus Band IV

Seite im UB:

130-131

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 452: Kronstädter Zünfte [Breasla blănarilor din Braşov] (Inventar 176), Nr. 1.

Druckvorlage:

nach Original

Abdruck als:

Volltext

Sprache:

Latein

---

1886

Kronstadt 1420 Dezember 23 Der Burzenländer Distrikt verpflichtet sich, das Dach der über dem Haus der Kronstädter Kürschnerzunft erbauten Gerichtsstube im Stand zu halten.

Quia actiones humanae cotidie hominum varietate et oblivionum iaculis obruuntur necessario per literarum scripta vivaci memo- [S. 131] riae commendantur, ut neque acta caecis morsibus vetustas abolere praevaleat nec exacti temporis antiquata curricula sopita taciturnitate concludantur.¹⁾ Nos itaque Nicolaus Wyroch iudex, Stephanus Fuelen villicus, Johannes Rewel, Nicolaus Trespar,²⁾ Wynrich, Valentinus Goetwart, Petrus Herzoch, Nicolaus Tylecker,³⁾ Thomas Schan, Johannes Ruperti, Petrus Chünradi, Jacobus Schunckebung,⁴⁾ Jacobus Longus et Michael comitis iurati cives civitatis Braschoviensis, item Michael comes et iudex sedis Mergemburg, Thomas de Cidino, Martinus Giselberch de Rosenaw⁵⁾ et Nicolaus Heicz⁶⁾ de Tortelaw⁷⁾ ceteri quoque iudices et iurati seniores provinciae et districtus Barcensis universi memoriae significamus tenore praesentium significantes⁸⁾ quibus convenit universis, quod providi et viri circumspecti Henricus Hofelder,⁹⁾ Johannes Muellners dictus, Georg¹⁰⁾ Schan et Petrus Nicolai pellifices in ipsorum ceterorumque pellificum civitatis praenotatae in personis ad nostras requisitiones et petitiones favorabiliter inclinati, prout idem et ipsorum progenitores omni tempore absque recusa facere consueverunt nobis stubam aedificare super pallatium et cellarium ipsorum in medio fori civitatis praenotatae iacentium,¹¹⁾ in quo videlicet pallatio praememorati pellifices mastrucas et pellicea ac singula ad artificium ipsorum spectantia vendere et venditioni exponere solent, concesserunt. Quam quidem stubam pro reddenda iustitia cuilibet querulanti intrare et exire possumus pro nostra voluntate, promittimusque nihilominus propter favorabiles ipsorum pellificum concessiones aedificii stubae tectum eiusdem a principio usque ad finem nostris laboribus et expensis perpetuis temporibus conservandum. Ne itaque¹²⁾ in processu temporis saepe dicti viri pellifices aut ipsorum heredes in praememoratis pallatio aut cellario per eos et antecessores eorum a civitate praedicta rite et rationabiliter emptis et suis laboribus et expensis constructis et aedificatis impediri, inquietari, gravari aut molestari per quempiam valeant quocumque quaesito ingenio aut colore praesentes ipsis concessimus literas nostri sub appensi sigilli munimine roboratas.¹³⁾ Datum in civitate Braschouiensi praefata feria secunda proxima ante festum nativitatis domini anno eiusdem millesimo quadringentesimo vicesimo.¹⁴⁾ [S. 132]


1) Abschrift: concludant.^{^}
2) Abschrift: Treppar.^{^}
3) Abschrift: Czilecker.^{^}
4) Abschrift: Schunkebunck.^{^}
5) Abschrift: Rosnaw.^{^}
6) Abschrift: Heincz.^{^}
7) Abschrift: Tartalliaw.^{^}
8) Fehlt in der Abschrift. ^{^}
9) Abschrift: Hoffelder.^{^}
10) Abschrift: Georgius.^{^}
11) So Vorlage und Abschrift.^{^}
12) Abschrift: itque.^{^}
13) Abschrift hierauf: roboratis durchgestrichen.^{^}
14) Abschrift hierauf: et cetera.^{^}