Urkunde Nr. 1883 aus Band IV

Seite im UB:

126-128 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal], Urkunden (Inventar 119) Nr. 211 (alt S 1-10 Nr. 24).

Druckvorlage:

nach Original

Abdruck als:

Volltext

Sprache:

Latein

---

1883

Mediasch 1420 Juni 2 Der öffentliche Notar Petrus Ungelter bezeugt, dass die Vertreter des Burzenländer Kapitels auf der Versammlung der Dekanate aller exemten Pfarreien Siebenbürgens in Mediasch gegen die ungerechte Verteilung der gemeinsamen Abgaben Einsprache erhoben haben und gibt bekannt, dass sie gegen das Hermannstädter Kapitel Klage führen werden.

In nomine domini amen. Per hoc praesens publicum instrumentum cunctis pateat evidenter quod anno nativitatis eiusdem millesimo [S. 127] quadringentesimo vicesimo indictione XIII^a, die vero mensis Junii secunda, hora nona vel quasi, pontificatus sanctissimi in Christo patris ac domini, domini Martini papae quinti anno quarto, in domo habitationis honorabilis viri domini Andreae in Megies plebani, Transsiluanae diocesis ubi decani et quamplures plebani de universis decanatibus ecclesiarum exemptarum partium Transsiluanensium pertractandis et expediendis certis negotiis edictum regiae maiestatis concernentibus fuerunt congregati, ex quorum medio exsurgentes in mei notarii publici et testium infrascriptorum praesentia animo protestandi honorabiles viri, domini Nicolaus de castro Mariae artium liberalium magister et Henricus de Czydino, ecclesiarum parochialium plebani Strigoniensis iurisdictionis, nuntii universorum plebanorum de decanatu Braschouiensi, idem magister Nicolaus suo et suorum plebanorum nomine per modum protestationis universos et singulos decanos et plebanos praelibatos¹⁾ modo et forma qua decuit requisivit, quid constaret eis de numero et distinctione decanatuum ecclesiarum exemptarum in partibus Transsilvanis, in quot videlicet decanatus universitas plebanorum de eisdem partibus fuit ab antiquo distincta in oneribus et gravaminibus eisdem generaliter et in communi impositis et contributionibus factis et faciendis pro huiusmodi oneribus interlevandis per apostolicam sedem nec non regiae maiestalis edictam. Ad hanc requisitionem honorabiles et circumspecti viri domini Sigismundus de Birthalben plebanus, baccalaureus in decretis et decanus sedis Megies et Nicolaus de foro Rutenorum plebanus et decanus sedis Schebesch, artium liberalium magister necnon Salomon plebanus de Lapide et decanus sedis Kozd, artium baccalaureus, Transsiluanae diocesis pro se et aliis quam pluribus plebanis de universis decanatibus ecclesiarum exemptarum partium Transsiluanarum pro expediendis supra dictis negotiis ibidem congregatis respondentes pari et concordi voce sub fide et conscientia ipsorum recognoverunt, quomodo ipsi certam de hoc habentes scientiam ab eorum praedecessoribus et senioribus id vivae vocis oraculo referentibus percipiendo intellexissent, quomodo universitas ecclesiarum et plebanorum exemptis in partibus Transsiluanis fuerit ab antiquo et est in oneribus communiter sufferenda et contributionibus pro communitate cleri in partibus Transsiluanis factis et faciendis²⁾ in novem decanatus distincta, quorum decanatum sex sub obedientia ecclesiae Transsiluanae tenerentur et duo decanatus sub praepositura Cybiniensi et unus tantummodo decanatus sub districtu Braschouiensi, sub obedientia ecclesiae Strigoniensis. Et post iam fatus magister Nicolaus plebanus de castro Mariae protestando publice et expresse exposuit, quomodo honorabilis vir magister Cristianus decanus Cybiniensis et sui confratres in numero et distinctione supratactis duos decanatus repraesentantes, nescitur quo ducti spiritu ad inveniendo [S. 128] quasdam novitates, inconsueta gravamina super decanum et plebanos de decanatu Braschouiensi inducere conarentur, videlicet, quod in contributionibus faciendis pro taxis et aliis oneribus universaliter novem decanatibus praeexpressatis impositis ipse decanus et plebani de decanatu Braschouiensi decano et plebanis decanatibus Cybiniensibus aequalia onera sufferre deberent, immo idem decanus Cybiniensis et sui confratres suis importunis conatibus procurassent, quod in taxa nunc proxime per regiam maiestatem iam dictis novem decanatibus in communi imposita ultra debitum centum et quinquaginta florenorum, per centum novos computandos, quasi coacta exactione persolvissent. Quos florenos decanus Cybiniensis et sui confratres iuxta numerum et distinctionem decanatnum praetactam persolvere et expagare debuissent, sed decanus Braschouiensis et sui confratres cum protestatione de iniuria eis facta exsolverunt ad evitandam indignationem regiae maiestatis, quae potuisset super universitatem cleri saepius tactam evenisse. Protestans saepe dictus magister Nicolaus nomine quo supra, quod super praenarratis gravaminibus et iniuriis quaestionem movendo experiri velit tempore et loco congruis coram iudice competenti. Super quibus omnibus et singulis suprascriptis praelibatus magister Nicolaus requisivit me notarium publicum infrascriptum super hoc implorando officium meum, ut sibi de praemissis unum vel plura publicum seu publica conficerem instrumentum seu instrumenta. Acta haec sunt anno, indictione, die, mense, hora, pontificatu et loco quibus ut supra. Praesentibus ibidem honorabilibus viris dominis Andrea plebano de Megies, presbytero Transylvanae diocesis, Valentino de Slatna plebano presbytero Strigoniensis diocesis ac Laurentio plebano de Schegwswar presbytero Misnensis diocesis et aliis quam pluribus fide dignis testibus ad praemissa vocatis specialiter et rogatis.

(Notarzeichen) Et ego Petrus Ungelter de Schelk minori clericus Transyluanae diocesis sacra imperiali auctoritate notarius publicus quia praemissis requisitioni, protestationi et recognitioni¹⁾ una cum praedictis testibus praesens interfui eaque sic fieri vidi et audivi, per alium scribi feci publicavi et in hanc publicam formam redegi signoque meis solitis et consuetis consignavi requisitus et vocatus in fidem et testimonium omnium et singulorum praemissorum.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 127, 1 auf S. 128.^{^}
[S. 127]
1) Vorlage: praehibitos.^{^}
2) Vorlage: facienda.^{^}
[S. 128]
1) Vorlage: recongnitioni.^{^}