Urkunde Nr. 1880 aus Band IV

Seite im UB:

123-124 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 15.

Druckvorlage:

nach Original

Abdruck als:

Volltext

Sprache:

Latein

---

1880

Gran 1420 April 24 Matheus, Vikar von Gran, verleiht dem Dekan des Hermannstädter Kapitels verschiedene Vorrechte auf die Dauer eines Jahres.

Matheus de Vicedominis de Placencia utriusque iuris doctor, lector et canonicus in ecclesia Strigoniensi vicariusque per honorabile capitulum eiusdem ecclesiae constitutus et causarum auditor generalis nobis in Christo sincere dilecto honorabili viro domino.. decano Cibiniensi iurisdictionis spiritualis Strigoniensis salutem in domino et animarum vobis commissarum lucrum. Dignum et congruum est illis de mucronis episcopalis auctoritate providere, qui in partem sunt sollicitudinis curae animarum digne vocati. Sane volentes animarum vobis commissarum saluti providere auctoritate nostra nobis in hac parte plene attributa iuxta morem vobis tenore praesentium concedimus et committimus auctoritatem, omnes et singulas causas civiles et criminales ad forum ecclesiasticum et ad decanum Cibiniensem pro tempore constitutum de iure vel de consuetudine quomodolibet spectantes audiendi, cognoscendi et fine debito terminandi et exequendi, inquirendi excessus et crimina corrigendi et puniendi, censuras ecclesiasticas exercendi, poenas et mulctas infligendi, confessiones audiendi et aliis committendi etiam in casibus episcopalibus sedi Strigoniensi reservatis, nisi adeo graves et enormes forent, super quibus ipsa sedes merito esset consulenda, a sententiis excommunicationis maioribus et per participationem contractis absolvendi in forma ecclesiae consueta, et poenitentias salubres pro modo culpae imponendi, participationi fidelium et communioni sanctae matris ecclesiae restituendi, nес non quibuscumque catholicis episcopis gratiam sedis apostolicae habentibus clericos districtus vestri praedicti Cibiniensis et alios ad ordines minores et omnes sacros praesentandi et praeficiendi ac ordinandi atque ab eis sacros liquores recipiendi, ecclesias violatas reconciliandi et omnia alia faciendi et gerendi, quae aliis decanis Cibiniensibus quomodolibet concedi a sede ipsa Strigoniensi consueta fuerunt, ratificantes ex nunc prout ex tunc et ex tunc prout ex nunc omnes sententias, processus et censuras per vos recte et rite promulgandas et inferendas. In quorum omnium et singulorum fidem et testimonium praemissorum praesentes literas nostras fieri et sigilli nostri maioris sub impressione fecimus communiri. Praesentibus aulem dumtaxat hinc usque per anni circulum in suo vigore duraturis. Datum Strigonii, die festi beati Georgii martyris, anno domini millesimo quadringentesimo vicesimo.

Auf der Rückseite von einer Hand des 15. Jahrhunderts: Confirmatio decani de¹⁾ Schellenberg¹⁾ per dominum Mathiam de Vicedominis de Placencia vicarium Strigoniensis ecclesiae facta.

Von einer zweiten Hand des 15. Jahrhunderts: Anno M^o CCCC^o vigesimo, ut domini possint omnes criminales et civiles iudicare causas. [S. 125]


a) Seitenumbruch in Siegelbeschreibung.^{^}

1) Über der Zeile nachgetragen; darunter durchgestrichen: magistri Cristanni de Parvohorreo. [2x]^{^}