Urkunde Nr. 1871 aus Band IV

Seite im UB:

112

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 57.

Druckvorlage:

nach Original

Abdruck als:

Volltext

Sprache:

Latein

---

1871

Pozata bei Orschowa 1419 Oktober 29 König Sigmund befiehlt dem Kronstädter Distrikt, den nächsten Marlinszins dem siebenbürgischen Woiwoden Nikolaus oder dessen Bevollmächtigten auszufolgen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris iudici et iuratis civibus nostrae civitatis Brassouiensis et suarum pertinentiarum salutem et gratiam. A nostra memoria non excidit, prout etiam vos exinde memoriam habere credimus pleniorem, qualiter nos collectam festi beati Martini ex parte vestri nobis in signum dominii nostri naturalis cum argento annuatim provenire debentem fideli nostro dilecto magnifico Nicolao de Chaak partium nostrarum Transsiluanarum vaivodae praesertim nunc pro tuitione eorundem partium nostrarum Transsiluanarum et augmento ipsius honoris vaivodae duximus deputandam. Igitur fidelitati vestrae et cuiuslibet vestrum firmiter praecipiendo mandamus, quatenus mox habita praesentium notitia praescriptam collectam seu censum annualem festi beati Martini proxime venturi praefato Nicolao vaivodae vel hominibus suis praesentium ostensoribus pro eo more alias consueto extradare et persolvere debeatis nullam in hoc negligentiam commissuri, ne facta nostra regalia per ipsum de nostro mandato expedire commissa quomodolibet contingat quod absit retardari. Alioquin vobis in praemissis secus facientibus vos et quemlibet vestrum ad praemissa facienda non sine vestris maximis damnis et gravaminibus arctius compelli faciemus et astringi. Praesentes etiam perlectas semper reddi iubemus praesentanti. Datum in Pozata iuxta fluvium Danubii in descensu nostro campesti prope castrum nostrum Orswa, secundo die festi beatorum Symonis et Judae apostolorum, anno domini M^mo quadringentesimo decimo nono, regnorum nostrorum anno Hungariae et cetera XXX^o tertio, Romanorum vero decimo. [S. 113]