Urkunde Nr. 1869 aus Band IV

Seite im UB:

109-111

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1869

Ofen 1419 August 21 König Sigmund bestätigt dem Rat von Klausenburg das Recht der freien Gerichtsbarkeit.

[S. 110] Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod fideles nostri dilecti, circumspecti et providi viri Gaspar filius Ffrancisci iudex ac Martinus Keusel et Valentinus pellifex iurati cives nostrae civitatis Cluswar in suis ac universorum civium et hospitum eiusdem civitatis nostrae [nominibus] gravissima sub querela curarunt significare, quomodo plerique forent regnicolae nostri et praesertim partium nostrarum Transsiluanarum homines, qui super diversis causis et causarum articulis literas nostras libertati eiusdem civitatis praeiudicantes a nostra impetrando maiestate vigore earundem procedere et sibi ipsis in huiusmodi causis et causarum articulis in praeiudicium libertatis eorum praerogativae satisfactum exhibere et impendere postularent in ipsorum praeiudicium et dictae libertatis eorum praerogativae derogamen nostraeque maiestatis displicentiam non modicam, supplicantes exinde circa praemissa per nostram maiestatem de remedio provideri opportuno. Et quia rex regum et dominus dominantium deus ad haec praeposuit reges in mundo universo, ut in ipsius similitudine quivis in suis regiminibus unicuique petenti ius suum tribuat, iustitia suadente praedicta restauret, restaurata conservet, meritores bene remuneret et dignos servitio dignae laudis extollat¹⁾ praeconio, pro eo nos his attentis supplicationibus memoratorum exponentium nominibus quibus supra nostrae porrectis maiestati, sicuti nostri²⁾ regii regiminis officio exposcente iusta petentibus tribuere tenemur et elargire, pie exauditis, ut ipsi antiquis eorum libertatibus in privilegiis eorum superinde confectis declaratis gaudentes³⁾ et exsultantes ac opum ubertate affluentes nostra et sacrae nostrae coronae servitia fideliter cum sinceritatis zelo et sollicitudine indefessa possint et valeant exercere, matura deliberatione una cum baronibus nostris superinde praehabita et ex certa scientia nostrae maiestatis idem decernentes duximus eisdem annuendem immo annuimus praesentium per vigorem, ut ipsi iudex et iurati cives universas et quaslibet causas iudicium ipsorum concernentes per quoscumque in medio eorum suscitatas⁴⁾ et in futurum suscitandas iuxta antiquam eorum libertalem in ipsorum privilegiis ut praefertur specificatam aliis literis nostris sub quacumque forma seu expressione verborum in harum contrarium pro quorumcumque parte datis vel dandis, emanatis vel emanandis non obstantibus quibuscumque⁵⁾ semper et omni tempore iudicare, decidere, concludere et finaliter [S. 111] terminare valeant atque possint. Quocirca vobis fidelibus nostris magnificis dictarum partium nostrarum Transsiluanarum vaivodis praesenti et futuris praesentium notitiam habituris firmiter praecipiendo mandamus, quatenus praefatos iudicem, iuratos cives et hospites praedictae civitatis nostrae Cluswar contra praemissam nostram annuentiam ad alicuius instantiam impedire seu quovis modo molestare nullatenus praesumatis nec sitis ausi modo aliquali. Secus facere non ausuri nec praesumatis modo aliquali gratiae nostrae sub obtentu. Praesentes perlectas semper reddi iubemus praesentanti. Datum Budae, secundo die festi beati regis Stephani, anno domini millesimo quadringentesimo XIX^o, regnorum nostrorum anno Hungariae et cetera XXXIII^o, Romanorum vero nono.

Unter dem Siegel: Kanzleibemerkung.


1) Vorlage: extullat.^{^}
2) Gebessert aus: nostrii.^{^}
3) Vorlage: gaudantes.^{^}
4) Vorlage: susscitas.^{^}
5) Vorlage: quibucu.^{^}