Urkunde Nr. 1860 aus Band IV

Seite im UB:

96-97

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1860

Kaschau 1419 Juni 3 König Sigmund bestätigt für Ladislaus und Johann von Brenndorf die Urkunde Michaels, des Comes der Sekler, von 1413 Nr. »1720 mit der Entscheidung in dem Erbstreit zwischen den Kindern des Comes Johann von Brenndorf.

Von der Kanzlei: Relatio domini Benedicti praepositi Albensis et cetera.

Nos Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex memoriae commendamus per praesentes, quod fidelis noster Ladislaus filius Nicolai civis de Bothfalwa sua ac Johannis filii Johannis de eadem fratris sui patruelis in personis nostrae maiestatis veniendo in praesentiam exhibuit nobis quasdam literas fidelis nostri dilecti magnifici Michaelis [S. 97] filii Salomonis de Nadasd comitis Siculorum nostrorum patenter emanatas tenorem qui sequitur continentes, supplicans exinde nostrae maiestati nominibus quibus supra humiliter et devote, ut easdem de verbo ad verbum transcribi faciendo ac ratas et acceptas habendo eisdem et contentis earum nostrum regium consensum praebere dignaremur benivolum et assensum. Quarum continentia sequitur verbalis et est talis. (Folgt die Urkunde des Comes der Sekler Michael von 1413 Nr. »1720.) Unde nos supplicationibus praefati Ladislai regia benignitate favorabiliter exauditis et gratiose admissis praedictas literas praefati Michaelis comitis non abrasas, non cancellalas nec in aliqua sui parte suspectas sed omni prorsus vitio suspicionis carentes quoad omnes suas clausulas et articulos ratas, gratas et acceptas habentes praesentibus literis nostris patentibus verbotenus inseri et transcribi facientes eisdem et contentis earum nostrum regium consensum praebuimus benivolum et assensum, immo praebemus harum nostrarum vigore et testimonio literarum, salvo iure alieno. Datum Cassouiae, in vigilia festi Penthecostes, anno domini millesimo quadringentesimo decimo nono, regnorum nostrorum anno Hungariae et cetera tricesimo tertio, Romanorum vero nono.

Unter dem Siegel: Relatio domini Benedicti praepositi Albensis.

Vom Schreiber der Urkunde: Thomas de Mera archidiaconus de Heues.