Urkunde Nr. 1854 aus Band IV

Seite im UB:

88-89

Druckvorlage:

nach Original

Abdruck als:

Volltext

Sprache:

Latein

---

1854

Kaschau 1419 Mai 29 König Sigmund befiehlt Nikolaus, dem Woiwoden von Siebenbürgen, dessen Stellvertreter und den Comites und Richtern der Sieben und Zwei Stühle, sich in den Streit zwischen dem Abt von Egresch und der Gemeinde Kleinschelken nicht einzumischen, sondern die Angelegenheit dem königlichen Hofgericht zu überlassen.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fidelibus nostris magnifico Nicolao de Chaak partium nostrarum Transsiluanarum vaivodae vel ipsius vicevaivodae necnon comitibus et iudicibus septem ac duarum Megyes et Seelk sedium Saxonicalium ac cunctis iustitiariis et iudicibus earundem partium nostrarum Transsiluanarum, quibus praesentes ostenduntur, salutem et gratiam. Fideles nostri dilecti Johannes Megyes ac Petrus Thobyas et Anthonius Seelk, oppidorum nostrorum Megyes et Seelk Saxonicalium earundem partium nostrarum Transsiluanarum iudices, nostrae maiestatis venientes in praesentiam in suis ac universorum et singulorum Saxonum in eisdem oppidis commorantium et ad eadem personis pertinentium, nostrae maiestati querulose detexerunt, quomodo religiosus dominus frater Emericus, abbas ecclesiae de Egres his temporibus novissime evolutis quandam possessionem Kysselk vocatam ad praedictas sedes Megyes et Selk pertinentem et sacrae coronae regni Hungariae ac regiae maiestati a primaeva sua fundatione servientem et subiectam existentem nomine iuris dictae ecclesiae occupare et recaptivare et eandem eidem ecclesiae statuifacere et subiicere voluisset, cuiquidem recaptivationi, occupationi et statuifactioni comites et iudices praescriptarum duarum sedium Megyes et Seelk eidem Emerico abbati contradictionis velamine obviassent, cuiusquidem contradictionis praetextu eosdem comites et iudices saepe dictarum duarum sedium idem dominus Emericus abbas vestri in praesentiam videlicet vaivodae vel vicevaivodae ac comitum septem sedium Saxonum nostrorum praedictorum in causam attraxisset, in qua causa vos videlicet vaivoda et comites septem sedium procedere iudicia- [S. 89] liter niteremini et velletis in eorum exponentium praeiudicium et damnum valde magnum. Verum quia praefata possessio Kysseelk а sua primaeva fundatione coronae sanctae regni Hungariae in suis iuribus semper annexa, censualis et subdita fuit et numquam abbati praedictae ecclesiae Egres exstitit subiecta, ideo nos praedictam causam inter praefatum dominum Emericum abbatem ut actorem ab una et eosdem exponentes uti in causam attractos¹⁾ ab altera partibus ratione praescriptae possessionis Kysseelk motam et suscitatam personaliter adiudicare et finaliter concludere volumus. Idcirco vobis fidelibus nostris vaivodis et vicevaivodis necnon comitibus praescriptarum sedium Saxonicalium cunctis etiam earundem partium nostrarum Transsiluanarum iudicibus et²⁾ iustitiariis firmissime praecipimus et mandamus, quatenus causam praescriptam inter praefatas partes ratione praedictae possessionis Kysseelk coram vobis aut altero vestrum motam vel movendam adiudicare vel de eadem vos iudicialiter aut quocumque alio modo intromittere nullatenus praesumatis nec sitis ausi modo aliquali, sed eandem causam coram nostrae maiestatis vel successorum nostrorum iudicio et determinationi et finali conclusioni reservare debeatis. Et aliud gratiae nostrae sub obtentu facere non ausuri in praemissis. Praesentes autem post earum lecturam semper reddi iubemus praesentanti. Datum Cassouiae, feria secunda post festum ascensionis domini, anno eiusdem millesimo quadringentesimo decimo nono, regnorum nostrorum anno Hungariae et cetera tricesimo tertio, Romanorum vero nono.


1) Vorlage: attractatos.^{^}
2) Fehlt in der Vorlage.^{^}