Urkunde Nr. 1850 aus Band IV

Seite im UB:

82-83

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 61.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1850

Wissegrad 1419 Mai 1. ^a) König Sigmund verbietet dem Abt von Kerz, von den Bewohnern der Gemeinden Deutsch-Kreuz, Meschendorf und Klosdorf ungerechte Abgaben und Dienstleistungen zu fordern.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fideli nostro venerabili ac religioso viro domino nostro abbati monasterii de Candelis partium nostrarum Transiluanarum salutem et gratiam. Pro parte fidelium nostrorum universorum et singulorum populorum et bhspitum¹⁾ in possessionibus praedicti monasterii Crucis, Meschendorff et Closdorff vocatis residentium maieslati nostrae exponitur plurimum querulose, quomodo vos ipsos ultra et contra eorum libertatum praerogativas per divos nostros praedecessores, ²⁾ reges ut puta Hungariae et per nostram maiestatem eis gratiose concessas de quibus eos excipere machinando in censu seu collectarum aliarumque extorsionum ac munerum solutione admodum impediretis, gravaretis et damnificaretis propria vestra praesumptuositate mediante, in ipsorum iuris et libertatum praeiudicium et damnum valde magnum. Supplicatum exinde maiestati nostrae exstitit pro parte praedictorum exponentium, quatenus ipsis circa praemissa remedio occurrere dignaremur opportuno. Et quia nos sicuti praedicti monasterii iuribus sic etiam praedictorum populorum et hospitum libertatum praerogativis³⁾ nolumus in aliquo per vos derogari, igitur fidelitati vestrae firmiter praecipiendo mandamus, quatenus a modo in antea praefatos universos populos et hospites in praedictis possessionibus praedicti monasterii residentes ultra et contra praescriptas eorum libertatum praerogativas in certis literis exinde confectis et erga manus iudicum et iuratorum seniorum septem sedium Saxonicalium partium nostrarum Transiluanarum ut dicitur habitis expressatas in nullo penitus impedire, molestare et quomodolibet damnificare praesumatis nec sitis ausi modo aliquali. Alioquin commisimus et harum serie committimus iudicibus nostris regalibus ac iuratis senioribus supradictis, ut ipsi praedictos populos et hospites in eorum iustis et debitis libertatum praerogativis³⁾ rite et legitime conservando⁴⁾ eos contra formam et continentiam earundem libertatum praerogativarum per vos indebite et iniuste impediri, molestari, exactionari et quemlibet dam- [S. 83] nificari non permittant modo aliquali. Secus igitur facere non ausuri in praemissis. Et haec idem iniungimus futuris vestris successoribus, abbatibus scilicet praedicti monasterii similibus regiis firmiter et inconcusse per omnia observari. Praesentibus perlectis exhibenti iugiter restitutis. Datum in Wyssegrad in festo beatorum apostolorum Philippi et Jacobi, anno domini millesimo quadringentesimo decimo nono, regnorum nostrorum anno Hungariae et cetera tricesimo tertio, Romanorum vero nono.


a) Ausstellungsort im UB als: Plintenburg/Visegrád.^{^}

1) Vorlage: hospitibus.^{^}
2) Vorlage: praecessores.^{^}
3) Vorlage: praerogativas. [2x]^{^}
4) Vorlage: conservandum.^{^}