Urkunde Nr. 1847 aus Band IV

Seite im UB:

79-80

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1847

Kokelburg 1418 Juni 7 Nikolaus, Woiwode von Siebenbürgen, bestätigt für die Gemeinden Mettersdorf und Treppen die Urkunde des Woiwoden Stibor von 1412 Nr. »1681 über den Grenzstreit dieser Gemeinden mit den Adligen von Fatendorf, Bachna und Czege.

[S. 80] Nos Nicolaus de Chaak vaivoda Transsiluanensis et comes de Zolnok memoriae commendamus significantes tenore praesentium universis quibus expedit, quod populi et iobagiones serenissimi domini Sigismundi dei gratia Romanorum regis semper augusti ac Hungariae et cetera regis naturalis domini nostri gratiosissimi in possessionibus suis regalibus Naghdemeter et Triping vocatis districtus Bistriciensis commorante ad nostram veniendo praesentiam exhibuerunt et produxerunt nobis quasdam literas magnifici Stiborii de Stiboricz olim vaivodae Transsiluanensis bonae memoriae super factis quarundem terrarum litigiosarum in eisdem literis clarius contentis. Quarum tenor sequitur et est talis. (Folgt die Urkunde des Woiwoden Stibor von 1412 Nr. »1681.) Quibus quidem literis praedicti Stiborii vaivodae per dictos cives et hospites in Naghdemeter et Tripping¹⁾ residentes coram nobis productis et exhibitis requisiti fuimus per eosdem debita cum instantia, ut literas ipsius dicti quondam Stiborii quoad earum clausulas perlegi facientes contentaque earundem de verbo ad verbum praesentibus nostris literis transsumi facientes eisdem concedere dignaremur nostras praesentes literas ad cautelam eorundem civium uberiorem. Petitionibus quorum inclinati literas ipsius domini Stiborii²⁾ omni vitio prorsus carituras quoad earum articulos per singula conspicientes praesentibusque nostris literis conscribi facientes quantum de iure possumus quantumque in nobis est contenta ipsarum ratificamus et approbamus et sigillum nostrum maius huc apponi fecimus. Datum in Kykellewar feria tertia proxima ante festum beati Barnabae apostoli, anno domini millesimo quadringentesimo decimo octavo.


1) 1446: Nagdemeter et Triping.^{^}
2) 1446: Stiburcii.^{^}