Urkunde Nr. 1841 aus Band IV

Seite im UB:

72-75 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 27.

Druckvorlage:

nach Original

Abdruck als:

Volltext

Sprache:

Latein

---

1841

Konstanz 1418 April 17 König Sigmund trägt Nikolaus, dem Woiwoden von Siebenbürgen, auf, die Besitzungen der Kerzer Abtei Deutsch-Kreuz, Klosdorf und Meschendorf gegen Übergriffe der Kastellane von Talmesch zu schützen.

[S. 73] Von anderer Hand: Commissio propria domini regis.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fideli nostro dilecto magnifico Nicolao de Chaak, partium nostrarum Transsiluanarum vaivodae salutem et gratiam. Gravis querela pro parte fidelium nostrorum devotorum abbatis et conventus monasterii beatae Mariae virginis de Candelis, Strigoniensis dioecesis nobis oblata nostrae admodum exacerbavit animum maiestatis quod quamquam praedictum monasterium ad honorem dei et eius genitricis virginis intemeratae per divos reges Hungariae, nostros ut puta praedecessores pro Christi fidelium salvatione celeberrime constructum et fundatum possessionibusque ac villis et aliis iuribus et libertatum praerogativis dotatum et fulcitum et ex consequenti abbas et conventus supradicti regiae maiestatis protectione speciali gaudentes a quorumlibet magnatum, baronum et signanter vaivodae et vicevaivodae, castellanorum, comitum et nobilium ceterorumque officialum saecularum in praedictis partibus nostris Transsiluanis pro tempore constitutorum impetitionibus et vexationibus illaesi permanere ac soli deo solitum obsequium in ipso¹⁾ monasterio persoluere debuerint et praestare, nihilominus tamen quidam castellani et vicecastellani cuiusdam castri nostri Rukbas nuncupati, quod iam a certi temporis intervallo citra diruptum foret pro tunc et nunc exsistentis quibusdam abusivis novitatibus, immo potius corruptelis adinventis et introductis, quae iam quamvis omnino indebite et irrationabiliter quasi in ius essent redactae, praedicti monasterii villanis seu populis et iobagionibus, signanter in possessionibus Crucz, Closdorf et Meschendorf vocatis commorantibus, unde praescriptum monasterium non modicum emolumentum habere consuevisset, diversas exactiones, talias et dacias aliasque extorsiones imponere ab eisdemque incompassibiliter exigere et violenter extorquere non formidassent et quas etiam moderni castellani et vicecastellani nostri castri Tolmach nuncupati, huiusmodi corruptelis pro iure sibi fictis et allegatis durius imponere, exigere et extorquere non formidarent, propter quod cultus divinus in praedicto monasterio vigeri solitus continuo diminutus exstitisset et decresceret de die in diem in detrimentum fundatorum praedicti monasterii et salutis animarum eorundem. Supplicatum itaque celsitudini nostrae exstitit pro parte praedictorum abbatis et conventus tam devote quam humiliter, quatenus divinae maiestatis contemplatione et pro honore intemeratae virginis Mariae, sub cuius nomine glorioso praedictum monasterium fundatum exsistit, eis circa praemissa regali remedio dignaremur succurere opportuno. Verum quia nos²⁾ officii nostri regii regiminis coelitus nobis dediti debito exposcente inter alias curas nostrae sollicitudini commissas his [S. 74] quae ecclesiarum omnium conditarum commodum profectum et augmentum tangere dinoscuntur accuratius invigilare innitimur, ut sublatis ab eis adversitatibus Christique nomine interpellato, ipsi soli liberalius serviatur, igitur cupientes in praedicto monasterio, quod per nostros praedecessores, reges ut puta Hungariae celeberrime fundatum exsistit ac possessionibus, villis et celeris libertatum praerogativis dotatum, quorum etiam corpora ibidem exsistunt tumulata, solitum obsequium altipotenti libere persolvi et praestari, quod absque emolumentis ad hoc correquisitis nullatenus potest debile exerceri, fidelitatem vestram attente requirimus et rogamus eidem firmissimo regio mandantes sub edicto, quatenus habita praesentium notitia si et in quatenus ex diligenti scrutinio et inquisitione per fideles nostros devotum et dilectum reverendum in Christo patrem, dominum Sthephanum episcopum Transsiluanum necnon comitem regalem et iudices provinciae Cibiniensis earundem partium nostrarum Transsiluanarum vigore aliarum literarum nostrarum eis superinde directarum fiendis ac tenoribus et continentiis literalium instrumentorum praedicti monasterii, coram praefatis domino episcopo ac comite regali et iudicibus Cibiniensibus producendorum et exhibendorum¹⁾<fnz>praedictos castellanos et vicecastellanos aliasque quoscumque officiariorum praedictorum exactiones, talias et dacias aliasque quascumque extorsiones, contra iura ac libertates et privilegia praedicti monasterii abusive inventas et introductas eisdem populis et iobagionibus ipsius monasterii imposuisse easdemque ab eis ut praefertur exegisse reperiretis, ex tunc potissimum cum quod semel deo dicatum est amplius in usus profanos converti non debeat, tam vestras quam praedictorum castellanorum et vicecastellanorum praedicti nostri castri Tolmach et quorumlibet aliorum occupatorum tam officialium quam hominum ad vos seu ad alios quoscumque pertinentium manus cuiuscumque status et conditionis exsistant, qui se de praemissis modo ut praefertur ingessissent seu ingererent in futurum, de praedictis possessionibus ac quibuslibet rebus et bonis praedicti monasterii totiens quotiens fuerit opportunum superindeque fueritis serie praesentium requisiti, excipiendo et removendo ubique et eisdem occupatoribus praemissis omnibus cedentibus, nullas de cetero taxas, exactiones, dacias seu munera quaecumque contra voluntatem praefatorum abbatis et conventus per quoscumque super praedictas possessiones et quaecumque bona alia praedicti monasterii imponi, exigi seu extorqueri facere ullatenus permittatis seu permitti facialis et neque per vos aliquatenus quidquam contrarii attemptetis agendo in his, de quibus conscientias vestras ante tribunal Christi superinde responsuras in hac parte oneramus, ut huiusmodi vestris studiosis cooperationibus, quibuslibet praemissis adversis de ipso monasterio ac possessionibus et bonis eius sublatis, inibi cultus divinus [S. 75] ad laudem et gloriam regis aeterni debito ordine valeat exerceri et persolvi quodque praedicti exponentes nostram de cetero superinde non infestantes maiestatem, celsitudini nostrae pro talismodi praemissorum iustificatione seu rectificatione, reformatione et cessione debitas referre valeant gratiarum actiones. Quae praemissa vestro vicevaivodae necnon futuris vaivodis et vicevaivodis praedictarum partium nostrarum Transsiluanarum iniungimus firmissime observanda. Secus igitur non facturi prout nostrae et vestrarum cupitis salutem animarum felicius obtinere nostraeque maiestatis indignationem evitare. Praesentes etiam post earum lecturam semper in exhibentis manibus volumus remanere. Datum Constanciae dominica proxima ante festum beati Georgii martyris, anno domini millesimo quadringentesimo decimo octavo, regnorum nostrorum anno Hungariae et cetera XXXII^o, Romanorum vero octavo.

a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 73, 1 auf S. 74.</fnet>
[S. 73] <fnzt>1) Vorlage: Christo.</fnzt> <fnzt>2) Über der Zeile nachgetragen.</fnzt>
[S. 74] <fnzt>1) Vorlage: producendarum et exhibendarum.</fnzt>