Urkunde Nr. 1840 aus Band IV

Seite im UB:

70-72 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 26.

Druckvorlage:

nach Original

Abdruck als:

Volltext

Sprache:

Latein

---

1840

Konstanz 1418 April 9 König Sigmund beauftragt den Dekan des Hermannstädter Kapitels und den Königsrichter von Hermannstadt, die Bewohner der Gemeinden Deutsch-Kreuz, Klosdorf und [S. 71] Meschendorf zur Entrichtung ihrer Abgaben an die Kerzer Abtei zu verhalten.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fidelibus nostris venerabili decano capituli et iudici regali Cibiniensi partium nostrarum Transsiluanarum praesentibus et futuris salutem et gratiam. Gravem querelam pro parte fidelium nostrorum devotorum abbatis et conventus monasterii beatae Mariae virginis de Kercz ordinis Cisterciensis celsitudini nostrae oblatam accepimus continentem, quomodo populi et iobagiones praedicti monasterii in possessionibus eiusdem Crucz, Clostorff et Meschendorff appellatis commorantes rebellionis calcaneo involuti contra iura et consuetudines privilegiatas praedicti monasterii ipsis abbali et conventui se contumaciter opponentes solitos et debitos census, collectas et alias obventiones ex parte eorundem provenire debentes, quas ipsi etiam per iuris formam contra eos obtinuissent, contra deum et iustitiam iam fere a quinque annis citra retinenda eosdemque ipsis abbati et conventui extradare et persolvere recusando, ipsos erga se conservarent, per quorum rehibitionem praedicti abbas et conventus etiam alios suos redditus et proventus in litibus hincinde consumpsissent et expendissent, propter quod cultus divinus in ipso monasterio non modicum decrevisset¹⁾ ac de die in diem decrescere videretur, in praeiudicium iuris ipsorum exponentium et damnum multum grande. Supplicatum exstitit itaque nostrae claritati humili precum instantia, quatenus praedicto monasterio beatae Mariae virginis et consequenter memoratis abbati et conventui de opportuno remedio dignaremur providere. Unde nos potissimum ob nostram singularissimam spem et devotionem, quam in gloriosa dei genitrice virgine Maria interno gestamus affectu cuiusque precibus nedum in terris, verum etiam in coelesti hierarchia²⁾ speramus pie confoveri, desiderio desiderantes, praescriptum monasterium et eius ministros suis libertatibus et iuribus necnon fructibus et proventibus consuetis illibate frui et gaudere ibidemque cultus divinos potius adaugeri quam diminui, fidelitati vestrae firmiter praecipiendo mandamus omnino aliter habere nolentes, quatenus mox agnita praesentium notitia nulloque ulteriori nostro mandato superinde exspectato, duodecim iuratos seniores praedictarum villarum Crucz, Clostorff et Menschendorff, pro [S. 72] se et tota communitate earundem ac aliarum villarum ad easdem pertinentium contra obiecta praedictorum abbatis et conventus plenarie responsuros in vestri praesentiam convocando, auditis partium propositionibus et responsionibus visisque ipsarum iuribus et literalibus instrumentis ex parte praedictorum populorum et iobagionum antedictis domino abbati et conventui de et super universis iniuriis, damnis et nocumentis perpetratis et quod absit in antea perpetrandis totiens quotiens opportunum fuerit, plenam et omnimodam satisfactionem impendendo et exhibendo ipsos tam ad praedictorum per ipsos usque modo ut praefertur retentorum, quam etiam ad aliorum in antea provenientium censuum seu collectarum et quarumlibet aliarum obventionum restitutionem et persolutionem per eorum gravamina opportuna semper locis et temporibus consuetis iuxta contenta privilegiorum et libertatum praefati monasterii compellere et astringere debeatis adeo, ut ipsis exponentibus de cetero superinde maiestatem nostram minime infestantibus in praedicto monasterio beatae Mariae virginis cultus divinus potius adaugeri quam minui videatur, aliis nostris literis datis aut dandis in quantum iuri et iustitiae viderentur repugnare¹⁾ celerisque allegationibus, dissimulationibus et consuetudinibus in contrarium faciendis non obstantibus quibuscumque. Secus facere non ausuri prout nostram gratiam obtinere et nostrae maiestatis indignationem gravissimam cupitis evitare. Praesentes etiam perlectas semper in exhibentis manibus volumus remanere. Datum Constanciae sabbato proximo post festum beati Ambrosii confessoris, anno domini millesimo quadringentesimo decimo octavo, regnorum nostrorum anno Hungariae et cetera tricesimo secundo, Romanorum vero octavo.

Unter dem Siegel: commissio propria domini regis.

Auf der Rückseite von einer Hand des 16. Jahrhunderts: Abbatis de Kercz contra Cibinienses.


a) Seitenumbruch im Kopfregest. a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 71, 1 auf S. 72.^{^}
[S. 71]
1) n [unterpunktiert] getilgt. ^{^}
2) Vorlage: gerarchia.^{^}
[S. 72]
1) Vorlage: repugnari.^{^}