Urkunde Nr. 1838 aus Band IV

Seite im UB:

67-68

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

1838

Konstanz 1418 April 3 König Sigmund ersucht den Rat von Klausenburg um Wiedergutmachung des Schadens, den die Klausenburger dem Adligen Johann von Suk zugefügt haben.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris iudici et iuratis civibus nostrae civitatis Cluswar salutem et gratiam. Referente nobis fideli nostro sincere dilecto egregio Johanne de Swk speciali aulico nostrae maiestatis percepimus plurimum displicenter, quomodo vos quadam temeraria praesumptuositate involuti sibi et ad se pertinentibus diversas iniurias damna et nocumenta intulissetis in diversis et praesertim nuper duodecim boves et unum vas vini iobagionum suorum multa prius iustitia ut moris esset ex parte earundem iobagionum suorum postulata in medio eiusdem nostrae [S. 68] civitatis aufferendo potentia mediante in suis iuris praeiudicium non modicum¹⁾ et iacturam, de quo vobis non modicum aegre ferentes cogimur admirari. Cur vos talia praesertim contra vicinos quibus vos potius conformare deberetis quam abesse non expanescitis attemptare. Unde cum nos talismodi actus praesumptuosos praelextu quorum graviora novumque solent evenire contra praelibatum Johannem nostrae maiestatis familiarem specialem quem grata nostrae regiae maiestatis benivolentia prosequimur per vos nullatenus velimus attemptari. Igitur fidelitati vestrae firmiter praecipiendo mandamus, quatenus mox praesentium habita notitia nullo ulteriori nostro mandato superinde expectato praedictos duodecim boves et vinas²⁾ sic ut praefertur per vos ablatos simul cum aliis rebus et bonis si quae a suis hominibus et iobagionibus modo quo supra abstulistis eidem Johanni de Swk et suis hominibus reddendos et restituendos a modo in antea et deinceps ob huiusmodi iniuriis et damnis penitus supersedeatis. Si qui causam actionis vel questionis contra iobagiones et familiares impossessionatos ipsius Johannis aut fratrum suorum habetis aut habere praetenditis, id in praesentia ipsorum aut officialium suorum legitime prosequemini ex parte quorum iudicium et iustitia non deerit emendes condigna. Secus igitur facere non ausuri in praemissis. Praesentes etiam perlectas semper reddi volumus praesentanti. Datum Constanciae octavo die festi Paschae domini, anno eiusdem millesimo quadringentesimo decimo octavo, regnorum nostrorum anno Hungariae et cetera tricesimo secundo, Romanorum vero octavo.

Unter dem Siegel: Kanzleibemerkung.


1) Vorlage: modicam.^{^}
2) Auf Rasur: vin [Abkürzungsstrich über n].^{^}