Urkunde Nr. 1837 aus Band IV

Seite im UB:

66-67 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Abschrift

Abdruck als:

Volltext

Sprache:

Latein

---

1837

Konstanz 1418 März 22 König Sigmund verleiht der Marktgemeinde Birthälm die Hochgerichtsbarkeit.

Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae, Dalmatiae, Croatiae et cetera rex memoriae commendamus tenore praesentium significantes quibus expedit universis, quod nos tum ad humillimam et devotam supplicationis instantiam fidelium nostrorum providorum iudicis¹⁾ et iuratorum civium et hospitum nostrorum nostri oppidi regalis Birthalm nuncupati in nostris partibus Transsiluanis adiacentis in personis ipsorum per fidelem nostrum dilectum egregium militem Nicolaum filium Petri Apa de Almakereke nobis porrectam, tum etenim pro eradicandis et funditus exstirpendis furibus, vespilionibus et aliis quibuslibet malefactoribus per quos idem nostrum oppidum Birthalm plurimum molestando vexaretur, de plenitudine nostrae regiae potestatis eidem oppido Birthalm vocato id gratiose perpetuo et in aevum duximus indulgendum ut iudex et iurati [S. 67] cives ac tota communitas eiusdem nostri regalis¹⁾ oppidi ipsorumque superstites heredes et posteri in superficie eiusdem patibula et condigna tormentorum ergastula instaurare eademque semper futuris perpetuis temporibus more aliarum nostrarum liberarum regalium civitatum tenere et conservare valeant²⁾ atque possint universosque fures, latrones, vespiliones, homicidas, incendiarios, bursicidas, falsorum sigillorum sculptores, falsarum monetarum cusores et alias quosvis nocivos homines et malefactores per eosdem aut per quoscumque alios intra veras metas praedicti nostri oppidi in huiusmodi ipsorum pravis excessibus reprehensos captivare poterunt, captivandi, iudicandi et quemlibet ipsorum iuxta eorum demerita suspensionisque laqueo necandi, rotandi et alia supplicia et similia puniendi ac feriendi plenam et omnimodam ac securam habeant potestatis facultatem ex praesenti nostra gratia et indulsione speciali, harum nostrarum vigore quibus sigillum nostrum secretum, quo ut rex Hungariae utimur, est appressum patrocinio literarum mediante quas dum nobis in specie fuerint reportatae in formam nostri privilegii redigi³⁾ faciemus. Datum Constantiae feria tertia proxima post festum Ramispalmarum, anno domini millesimo quadringentesimo decimo octavo, regnorum nostrorum anno Hungariae et cetera tricesimo⁴⁾ secundo, Romanorum vero octavo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 66, 1-4 auf S. 67.^{^}
[S. 67]
1) So Neugeboren; fehlt bei Haner. ^{^}
[S. 67]
1) So Haner; Neugeboren: regali.^{^}
2) So Neugeboren; Haner: valeat.^{^}
3) Haner: reduci.^{^}
4) Haner: vicesimo.^{^}