Urkunde Nr. 1801 aus Band IV

Seite im UB:

24-26 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1801

1417 Februar 26 Das Weissenburger Kapitel bezeugt, dass der Domherr Michael, Sohn des ehemaligen Vizewoiwoden Peter, die Hälfte der Besitzungen Oarda/Váradja, sowie die Besitzungen Schönau und Diviciorii/Devecser seinen drei Nichten, Susanna, der Gattin des Nikolaus von Kyzdy, Anna, der Gattin des Nikolaus von Malmkrog, und Katharina, der Gattin des Stephan von Diod geschenkt hat.

Capitulum ecclesiae Transsiluanae¹⁾ omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ut ea quae aguntur in tempore ne decursu temporis labantur a memoria, pro rei gestae conservatione seriem huiusmodi rei gestae hominum sagacitas consuevit scripturarum patrocinio roborare. Proinde ad universorum notitiam harum serie volumus pervenire, quod honorabilis vir dominus Michael filius quondam Petri vicevaivodae cantor ecclesiae nostrae ac socius et concanonicus noster ad nostram personaliter accedendo praesentiam nobis dixit et confessus exstitit eo modo, quod licet ipse alias possessiones suas paternas a praefato quondam Petro vicevaivoda patre suo ad ipsum iure successorio devolutas inter filias fratrum suorum videlicet nobiles dominas Susannam consortem Nicolai filii Sandri de Kyzdy filiam scilicet Nicolai fratris sui carnalis, ac Annam Nicolai filii Apa de Almakerek et Katherinam Jacobi filii Stephani de Dyogh consortes, filias quondam Johannis vicevaivodae consimiliter fratris sui carnalis iuxta continentiam aliarum literarum nostrarum dimisisset et eisdem disposuisset, dominium et possessionem ac perceptionem usuum fructuum proventuumque earundem usque ad vitam suam pro se et sibi reservando, tamen nunc sua corporali alteratione inspecta, quam ex sua infirmitate, quae saepe saepius ipsum invadere consuevisset senectuteque praeventus in suo corpore sensisset et cognovisset, saniori ductus consilio, cu- [S. 25] piens easdem dominas filias fratrum suorum praenominatorum earumque heredes in suis possessionibus paternis et earum possessione ac dominio usuumque fructuum et proventuum earundem perceptione ipso vivente pacifice et realiter relinquere, omnes easdem possessiones suas paternas primo scilicet rectam medietatem possessionis Varadya cum domo seu curia sua paterna ac cum aliis duabus curiis pro allodiis deputatis necnon piscina Ffok vocata ac terris arabilibus, pratis, fenetis ad eandem curiam paternam pertinentibus necnon cum medietate molendini et cum medietate vadi per compositionem et ordinationem inter nos et ipsum factam, in literis honorabilis conventus de Clusmonstra contentam, sibi reservatam, tertiam partem eiusdem medietatis ipsius possessionis Varadya ut praefertur suae et sibi reservatae cum medietate dictae curiae paternae, inferiorem domum et inferiorem partem ipsius curiae deputando cum recta medietate aliarum duarum curiarum pro allodiis deputatarum et cum recta dimidietate piscinae Fok vocatae necnon cum medietate terrarum arabilium ac pratorum et fenetorum ad ipsam curiam paternam pertinentium et cum medietate medietatis molendini super fluvio Sebes habili praefatae dominae Susannae filiae quondam Nicolai et eius heredibus, alias vero duas partes ipsius medietatis dictae possessionis Varadya cum alia recta medietate curiae paternae videlicet cum domo superiori ac cum recta medietate omnium praemissorum videlicet allodiorum, piscinae, terrarum arabilium, fenetorum et medietatis¹⁾ molendini memoratis dominabus Annae et Katherinae filiabus quondam Johannis vicevaivodae cum omnibus eorum utilitatibus et pertinentiis quibuslibet ad ipsas tres partes dictae medietatis ipsius possessionis Varadya spectantibus, item rectam medietatem totalis possessionis Zeepmezew cum totali curia paterna ibidem habita ac terris arabilibus, fenetis, silva rotunda, ²⁾ piscina similiter rotunda²⁾ ad eandem curiam spectantibus et cum medietate molendini in fluvio Kykullew ibidem habiti et cum universis aliis utilitatibus et pertinentiis quibuslibet ad ipsam medietatem eiusdem possessionis Zeepmezew spectantibus saepe fatae dominae Susannae eiusque successioribus, alium vero medietatem eiusdem possessionis similiter cum universis ulilitatibus et pertinentiis quibuslibet ad ipsam aliam medietatem pertinentibus, praenominatis dominabus Annae et Katherinae et earum successoribus, item rectam medietatem possessionis Deuecher modo consimili cum universis suis utilitalibus et pertinentiis quibuslibet ad eandem medietatem spectantibus praedictae dominae Susannae et suis heredibus, aliam vero rectam medietatem eiusdem possessionis Deuecher similiter cum suis utilitatibus et pertinentiis memoratis dominabus Annae et Katherinae earumque heredibus filiabus videlicet fratrum suorum praenominatorum perpetuo [S. 26] remisisset, resignasset et eisdem appropriasset ac remisit, resignavit et appropriavit coram nobis manus suas de eisdem et de earum dominio ac possessione et proventuum perceptione penitus et per omnia eximendo totumque dominium proprietarium ac possessionem perceptionemque usuum fructuum ac proventuum earundem eisdem dominabus earumque successoribus pure et simpliciter relinquendo. Hoc etiam addito, quod si divina favente gratia alias suas possessiones paternas Legen, et Pethelaka vocatas, super quibus inter ipsum et filios quondam Johannis filii Iwanka de Ews ordine iudiciario nunc litis currit materia, ab eisdem reobtinere valuerint, tunc eaedem possessiones inier ipsas dominas modo consimili in duas partes rectas et aequales dividantur, quarum duarum partium una cum universis suis utilitatibus et pertinentiis quibuslibet saepe dictae dominae Susannae et eius heredibus pro sua portione cedat, alia medietate eiusdem similiter cum suis utilitatibus et pertinentiis memoratis dominabus Annae et Katherinae earumque successoribus consimiliter pro earum portione remanente. In cuius rei testimonium perpetuamque firmitatem ad instantem petitionem praefati domini Michaelis cantoris et concanonici nostri eisdem dominabus praesentes literas nostras privilegiales duximus concedendas. Datum sexta feria proxima post festum beati Mathiae apostoli, anno domini millesimo quadringentesimo decimo septimo. Honorabilibus et discretis viris dominis Georgio Lepes praeposito, praefato Michaele Vaivoda cantore, Johanne custode, Blasio Siculo plebano de Bathus decano canonicis ecclesiae nostrae existentibus.

Auf der Rückseite von einer Hand des 15. Jahrhunderts: Super medietatem possessionum Waradgya et Zepmezew fassio Michaelis filii Petri alias vicevaivodae Transsiluani.<fnz>

<fnet>a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 24, 1-2 auf S. 25.</fnet>
[S. 24] <fnzt>1) Bis hierher verlängerte Schrift. </fnzt>
[S. 25] <fnzt>1) Über der Zeile nachgetragen. </fnzt> <fnzt>2) Vorlage: rotonda. [2x]</fnzt>