Urkunde Nr. 1793 aus Band IV

Seite im UB:

16-17

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.).

Druckvorlage:

nach Original

Abdruck als:

Volltext

Sprache:

Latein

---

1793

London 1416 Mai 15 König Sigmund befiehlt dem Rat von Bistritz, Martin, dem Sohne Jekels genannt Guth und Genossen, in ihrem Streit mit dem Schneider Anthonius Recht zu verschaffen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae et cetera rex fidelibus nostris iudici et iuratis civibus nostrae civitatis Bistriciensis, salulem et gratiam. Conquestus admodum est maiestati nostrae fidelis noster dilectus familiaris Petrus Iwan vester concivis, quomodolicet ipse pro se et pro Martino filio Jekel dicti Guth, Valentino dicto Muenuech et Nicolao diclo Pluttel concivibus vestris suis videlicet consociis contra Anthonium sartorem similiter vestrum concivem alias iuridice procedendo ab eodem Anthonio quatuor stamina pannorum vulgo Lewy dictorum iuxta contenta certarum literarum nostrarum superinde confectarum reobtinuerit debueritque unicuique ipsorum pro sua parte debita satisfactio exhiberi, tamen vos ex parte praefati Anthonii praefato dumtaxat Petro Iwan quoad portionem suam¹⁾ et non praedictis aliis super praemissis satisfactionem impendere curassetis requisitiones praefatorum Martini, Valentini et Nicolai in hac parte vobis factas auribus pertranseuntes obturatis in praeiudicium eorundem et gravamen satis grande. Et quia nos etiam praefatis Martino, Valentino et Nicolao iustitiae debitum volumus impertiri, igitur fidelitati vestrae et cuiuslibet vestrum firmo regio mandamus sub edicto aliter habere nolentes, quatenus visis et intellectis praesentibus nulloque ulteriori nostro mandato superinde exspectato ex parte praelibati Anthonii satoris etiam praefatis Martino, Valentino et Nicolao pro parte ipsorum super praemissis pannis iure ut praefertur reobtentis ipsorum iuribus et legitimis documentis exigentibus plenam et sufficientem ac summariam satisfactionem adeo impendere et exhibere debeatis, ut huiusmodi quaestionis materiam ad nos reduci dictosque exponentes ampliores labores et expensas proinde facere non contingat modo aliquali. Alioquin harum²⁾ vigore firmiter³⁾ committimus districtius mandantes fidelibus nostris dilectis magnificis Nicolao de Chaak partium nostrarum Transsiluanarum vaivodae et Michaeli filio Salomonis comiti Siculorum nostrorum, ut ipsi vos et dictum Anthonium sartorem ad praemissa facienda non sine damnis vestris et gravaminibus oppor- [S. 17] tunis artius compellant et astringant auctoritate nostra regia praesentibus in hac parte vobis attributa mediante. Secus igitur non facturi. Praesentes etiam si secus feceritis quod absit reddi iubemus praesentanti. Datum Londonii in regno Angliae, in festo beatae Sophiae virginis, anno domini millesimo quadringentesimo decimo sexto, regnorum nostrorum anno Hungariae et cetera XXX^o, Romanorum vero sexto.


1) Über der Zeile nachgetragen. ^{^}
2) Zu ergänzen: literarum.^{^}
3) Vorlage: firmis.^{^}