Urkunde Nr. 1792 aus Band IV

Seite im UB:

15

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1792

Szentimre 1416 Mai 1 ^a) Roland Lepes, Vizewoiwode von Siebenbürgen, ersucht das Weissenburger Kapitel, bei der Einführung Johanns, des Kastellans von Kokelburg und Genossen, in Besitzanteile von Alt- und Neu-Flaigen mitzuwirken.

Amicis suis honorandis capitulo ecclesiae Transsiluanae Lorandus Lepes de Waraskezy vicevaivoda Transsiluanus amicitiam paratam cum honore. Dicitur nobis in personis Johannis filii Laurencii castellani de Kykellewar, alterius Johannis filii Pauli, Georgii filii Valentini, Pauli filii Ladislai filii Andreae et Eliae filii Nicolai nobilium de Ffelek, quomodo ipsi in dominium quarundam portionum possessionariarum in possessionibus Ffelek praedicta et Zederyes vocatis in comitatu Albensi existentibus habitarum ipsos iure avitico concernentium¹⁾ legitime vellent introire lege regni requirente, si contradictio cuius piam ipsis non obviaret in hac parte. Super quo vestram amicitiam praesentibus requirimus diligenter, quatenus vestrum mittatis hominem pro testimonio fide dignum, quo praesente Johannes vel Michael aut Cristianus filii Johannis de Saldorph sin Stephanus seu Laurencius de Hesfalwa sive Thomas neve Johannes filii Elyws de Andrasfalwa seu Matheus filius Sandor de Sard aliis absentibus homo noster ad facies praescriptarum portionum possessionariarum vicinis et commentaneis earundem universis inibi legitime convocatis et praesentibus accedendo introducat praefatos Johannem castellanum, alterum Johannem, Georgium, Paulum et Eliam in dominium earundem statuatque easdem eisdem iure ipsis incumbenti perpetuo possidendas, si non fuerit contradictum. Contradictores vero si qui fuerint, citetis eosdem contra annotatos Johannem castellanum, alterum Johannem, Georgium, Paulum et Eliam nostram in praesentiam ad terminum competentem rationem contradictionis eorum reddituros. Et post haec ipsarum portionum possessionariarum introductionis et statutionis seriem vel nomina contradictorum et citatorum si qui apparuerint terminoque assignato nobis amicabiliter rescribatis. Datum in Zenthemreh, octavo die festi sancti Georgii martyris, anno domini millesimo quadringentesimo sedecimo. [S. 16]


a) Ausstellungsort im UB als: Sântimbru/Szentimre.^{^}

1) Vorlage: decernintium.^{^}