Urkunde Nr. 3969 aus Band VI

Seite im UB:

557

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. J 22.

Druckvorlage:

nach Original

Abdruck als:

Volltext

Sprache:

Latein

---

3969

Ofen 1473 September 9 König Matthias erteilt der Stadt Klausenburg das Recht, in Angelegenheiten ihrer Untertanen selber Recht zu sprechen.

Von der Kanzlei: De commissione propria domini regis.

Mathias dei gratia rex Hungariae, Bohemiae et cetera fidelibus nostris magnificis vaivodis vel vicevaivodis partium regni nostri Transsiluanarum vestrasque in iudicatu vicesgerentibus, cunctis etiam aliis earundem partium Transsilvanarum iudicibus et iusticiariis saecularibus, quibus praesentes ostenduntur, salutem et gratiam . Pro parte et in personis fidelium nostrorum prudentum et circumspectorum iudicis iuratorum ceterorumque civium et totius communitatis civitatis nostrae Koloswar, nostrae expositum extitit maiestati in hunc modum. Quomodo licet ipsi et eorum quilibet a multis temporibus tali libertate et consuetudine ipsis a divis legibus regni nostri Hungariae praedicti nostris scilicet praedecessoribus gratiose concessa et per nos confirmata usi fuerint et gavisi, ut nullus omnino iudicum et iustitiariorum ipsarum partium regni nostri Transsilvanarum homines et iobagiones in possessionibus ipsorum et pertinentiis eiusdem civitatis uostrae ubivis moram trahentes in quibusvis¹⁾ causis, nisi solum modo praefati iudex et iurati ceterique cives dictae civitatis nostrae Koloswar habuerint iudicandi facultatem. Tamen nunc essent nonnulli homines illarum partium regni nostri Transsilvanarum, qui populos et iobagiones ipsorum exponentium coram vobis citare et cum eisdem in causam convenire molirentur in praeiudicium ipsorum exponentium detrimentumque iurium et libertatum eorundem et dampnum non modicum. Supplicatum itaque extitit nostrae maiestati per ipsos cives nostros, ut ipsis circa praemissa iuris²⁾ remedium adhibere dignaremur opportunum. Et quia nos ipsos cives nostros in antiquis eorum libertatibus illibate conservare volumus, ideo fidelitati vestrae harum serie firmiter praecipiendo mandamus, quatenus habita praesentium notitia, rebusque praemisso modo stantibus et se habentibus, a modo deinceps nullus omnino vestrum praefatos populos et iobagiones in possessionibus ipsorum exponentium ubivis et in quibuscumque comitatibus existentes ac pertinentiis eiusdem civitatis commorantes ratione cuiuscumque facti, ad quorumvis instantiam iudicare vel vestro astare iudicatui compellere, nusquam et nequaquam praesumatis et nec sitis ausi modo aliquali. Si qui enim quicquam actionis vel quaestionis contra praetitulatos populos et iobagiones dictorum exponentium ubivis in possessionibus et pertinentiis dictae civitatis nostrae Koloswar commorantes habent vel habuerint, hii id in praesentia ipsorum exponentium legitime prosequantur ex parte quorum ipsi omni contra eos querulanti meri iuris et iustitiae ac debitae satisfactionis complementum exhibebunt, prout dictabit ordo iuris. Secus non facturi. Praesentibus perlectis exhibenti restitutis. Datum Budae secundo die festi nativitatis beatae Mariae virginis, anno domini millesimo quadringentesimo septuagesimo tertio, regnorum nostrorum anno Hungariae et cetera sextodecimo, Bohemiae vero quinto. [S. 558]


1) Auf Rasur.^{^}
2) Über der Zeile.^{^}