Urkunde Nr. 3943 aus Band VI

Seite im UB:

542

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 699.

Druckvorlage:

nach Original

Abdruck als:

Volltext

Sprache:

Latein

---

3943

Klausenburg 1473 Januar 30 Der Klausenburger Stadtrichter Johannes Zegen ersucht Georg Eyben, den Stadtrichter von Bistritz, in der Ehesache des Andreas Kothler und seiner Gattin Veronika zu vermitteln.

Salutem et votione prosperitatis gaudium. Amice et fautor mihi multum diligende. Quod quia relatibus fide dignorum multum displicenter percepi, quomodo amicus et consanguineus meus dilectus Andreas Kothler consocius meus cum sua consorte Veronica consanguinea mea carissima non in foedere coniugali prout debet cum ea vivens in maximum praeiudicium ipsius Veronicae, verum etiam in scandalum omnium amicorum et consanguineorum manifestum, prout vestrae prudentiae clarius patet. Super quo per quendam secretarium ipsius dominae Veronicae instantissime requisitus sum, ut eidem Veronicae de opportuno et condigno remedio occurrere pro pacis et reconciliationis unione consilio, auxilio et quovis iuvamine omnium aliorum amicorum quorum interest in talibus illicitis oppressionibus et mutuis contrarietatibus in alterutrum habiti pie consulere et favorabiliter laborare et ad bonum pacis reducere dignaret. Et quia propter loci distantiam praesentialiter it attentare et interest non valeo, idcirco¹⁾ vestram prudentiam praesentibus multum confidenter rogo atque instantissime peto, quatenus vestra prudentia nomine et in persona mei omniumque aliorum amicorum et consanguineorum dictae dominae Veronicae in huiusmodi causa prout relatum est erga ipsum Andream Kothler fideliter laborare velitis, ne ex huiusmodi suggestione diabolorum in talibus inter Christianos laborantium et ne malum pravo accumuletur suboriri posset quoquomodo animadverterentes, ne ipsis et toti parentelae seu genealogiae dedecus et scandalum eveniri posset ipsosque ad reconciliationem fideliter inducere omni vestro auxilio et consilio mediante more coniugali cohabitaturos. Valete in Ihesu. Ex Coloswar sabato die proximo ante festo purificationis Mariae, anno domini millesimo CCCC^o LXX^o tertio.

Johannes Zegen, iudex civitatis
Coloswar vester amicus in omnibus.

Auf der Rückseite Adresse: Prudenti et circumspecto Georgio Eyben iudici civitatis Bystriciensis, amico et fautori nobis sincere honorando. [S. 543]


1) Vorlage idicirco. ^{^}