Urkunde Nr. 3935 aus Band VI

Seite im UB:

537-538

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29 083.

Druckvorlage:

nach Original

Abdruck als:

Volltext

Sprache:

Latein

---

3935

1472 Dezember 19 Der Konvent von Kolozsmonostor beglaubigt das Testament des Klausenburger Bürgers Johannes Lewthweyn.

Conventus monasterii beatae Mariae virginis de Colosmonostra omnibus Christi fidelibus praesentibus pariter et futuris praesentium notitiam habituris salu-[S. 538] tem in omnium salvatore. Ad universorum notitiam harum serie volumus pervenire quod cum nos, ad instantem et legittimam petitionem providi et circumspecti viri Johannis Lewthweyn, civis et inhabitatoris civitatis Coloswar, qui propter validam sui corporis aegritudinem nostram personaliter nequeret venire in praesentiam, dominos ex nobis, videlicet religiosos viros fratres Georgium custodem et Ladislaum¹⁾, socios nostros conventuales, ad ea, quae idem Johannes Lewthweyn coram ipsis fateretur audienda et tandem nobis suo modo referenda, nostro pro testimonio transmisissemus fidedignos. Qui tandem ad nos reversi, nobis concorditer et conscientiose retulerunt isto modo, quod dum ipsi feria quinta proxima post festum beatae Luciae virginis novissime praeteritum²⁾ ad domum habitationis annotati Johannis Lewthweyn in dicta civitate Coloswar habitam pariter accessissent, praesentibus ibidem discreto Andrea, presbitero capellano necnon prudentibus et circumspectis Johanne Zegen, Jacobo Wayda, Balthasar Sprenges, Johanne Forsth et Blasio Zaaz ac honestis dominabus Margaretha Chekerey et Barbara inquilina, aliisque quampluribus utriusque sexus hominibus fidedignis illac legittime vocatis et accersitis, praenominatus Johannes Lewthweyn coram ipsis nostris testimoniis, licet aeger corpore tamen per omnia compos ratione personaliter³⁾ constitutus vivae vocis oraculo spontaneaque sua voluntate ac³⁾ nostrae³⁾ deliberatione³⁾ talem edidisset testamentariam ordinationem perpetuo et irrevocabiliter pertransuram; Quod primo licet provida et honesta domina Dorothea, consors eiusdem Johannis Lewthweyn, utilitatem omnium rerum ac quorumlibet bonorum suorum mobilium videlicet et immobilium quovis nominibus vocabulis vocitatorum, iuxta antiquam et approbatam ipsius civitatis Coloswar consuetudinem rite et legittime obtineat et de iure obtinere debeat. Tamen ipse tum ob conthoralis dilectionis zelum, tum etiam propter eiusdem dominae Dorotheae probitatis⁴⁾ honestatisque⁵⁾ constantiam tunc etenim propter suorum fidelium servitiorum merita signanter in plerisque suis infirmitatibus et aegritudinibus sibi indefesse exhibita et impensa in futurum que exhibenda, directam et coaequalem medietatem aliarum duarum tertialitatum quorumlibet bonorum suorum tam mobilium quam etiam immobilium quovismodo ipsum tangentium et concernentium eidem³⁾ dominae⁶⁾ consortae³⁾ suae⁷⁾, aliam vero medietatem⁸⁾ bonorum suorum induli⁹⁾ junem¹⁰⁾ Erasmo, filio providi Johannis Meydel dicti, inhabitatoris eiusdem civitatis Coloswar, nepoti scilicet suo, testamentaliter legavisset et commisisset tali conditione interiecta, quod si temporibus in processu, vivente ipso Johanne Lewthweyn divino initu praefatum iuvenem Erasmum ab hac luce decedere contigeret, tunc praetacta medietas sibi, ut praefertur, legata et testamentaliter relicta, secundum praetactam consuetudinem dictae civitatis iterum et denuo in ipsum Johannem Lewthweyn, awum¹⁰⁾ videlicet ipsius Erasmi, revolveretur et redundaret⁹⁾. Si vero eodem Johanne de¹⁰⁾ Lewthweyn defuncto idem Erasmo de hoc saeculo migraret, extunc eadem medietas in praetactum Johannem Maydel¹⁰⁾, patrem scilicet eiusdem Erasmi carnalem, iure successorio remanetur et succedere debetur eo facto. In cuius rei memoriam firmitatemque perpetuam praesentes literas nostras privilegiales pendentis et autentici sigilii nostri munimine roboratas duximus concedendas. Datum tertio die diei¹¹⁾ testamentariae dispositionis praenotatae³⁾, anno domini millesimo quadringentesimo septuagesimo secundo. [S. 539]


1) Hierauf gestrichen presbiteros. ^{^}
2) Dezember 17.^{^}
3) Über der Zeile. [7x]^{^}
4) Hierauf gestrichen ac. ^{^}
5) que über der Zeile.^{^}
6) Hierauf über der Zeile und gestrichen Dorotheae. ^{^}
7) Hierauf über der Zeile und gestrichen karissimae.^{^}
8) Hierauf gestrichen earundem.^{^}
9) Schrift geschwunden, unsichere Lektüre. [2x]^{^}
10) So Vorlage. [4x]^{^}
11) Hierauf gestrichen praemissae. ^{^}