Urkunde Nr. 3898 aus Band VI

Seite im UB:

515

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 206.

Druckvorlage:

nach Original

Abdruck als:

Volltext

Sprache:

Latein

---

3898

Ofen 1471 November 1 König Matthias befiehlt Petrus und Matthias Gereb de Wyngarth, der Stadt Kronstadt deren Besitzungen Schirkanyen und Părău zurückzustellen.

Von der Kanzlei: Commissio domini regis.

Mathias dei gratia rex Hungariae, Bohemiae et cetera fidelibus nostris egregiis Petro et Mathie Gereb de Wyngarth salutem et gratiam. Exponitur nobis in personis fidelium nostrorum iudicis et iuratorum civium ac totius communitatis civitatis nostrae Brassoviensis ad modum querelae, quomodo vos his diebus proxime praeteritis quasdam duas possessiones praefatorum exponentium Sarkan et Mykesdorff vocatas, in quarum pacifico dominio iidem se ex donatione nostra perstitisse et easdem legitime possedisse asserunt a manibus eorundem iniuste et indebite per homines vestros occupari fecissetis occupatasque teneretis etiam de praesenti potentia mediante in praeiudicium praefatorum exponentium atque damnum . Et quia nos huiusmodi possessionum iniustam occupationes per quempiam committi nolumus, igitur fidelitati vestrae harum serie firmiter mandamus, quatenus mox visis praesentibus praescriptas possessiones Sarkan et Mijkesdorff per vos et vestros modo praemisso iniuste occupatas manibus eorundem exponentium libere reddere et remittere et per vestros reddi et remitti facere manusque vestras et vestrorum ex eisdem excipere et excipi facere debeatis et secus nullatenus facere praesumatis. Praesentibus perlectis exhibenti restitutis. Datum Budae in festo omnium sanctorum, anno domini millesimo quadringentesimo septuagesimo primo, regni nostri anno quartodecimo, coronationis vero octavo. [S. 516]