Urkunde Nr. 3884 aus Band VI

Seite im UB:

508-509

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 36 393, S. 96 Nr. 1.

Druckvorlage:

nach Abschrift

Abdruck als:

Volltext

Sprache:

Latein

---

3884

1471 August 12 Der Konvent von Kolozsmonostor bestätigt die Zeugenaussage des Klausenburger Kapellans Matthäus über das auf dem Sterbelager abgegebene Bekenntnis des Demetrius Horwat aus Grosswardein, den Klausenburger Bürger Ladislaus Hunyadi ungerechter Weise behelligt zu haben.

Memoriae commendamus tenore praesentium significantes quod discretus Matheus, capellanus ecclesiae beatorum Petri et Pauli apostolorum in suburbio civitatis Coloswar, in vico Zendpether Wczaya fundatae necnon honestus Petrus scolasticus de Papfalwa, ad instantem et legittimam petitionem providae dominae Anna vocatae, relictae circumspecti Ladislai Hwnyady civis¹⁾ civitatis Coloswar, nostram venientes in praesentiam praefatus Matheus sacerdos ministerio vivae vocis²⁾ ac constientiose fassus extitit in hunc modum: Quod cum pridem hiis diebus proxime praeteritis venerabilis dominus Johannes de Dobocz archidiaconus Albensis Transilvanae erga circumspectum Stephanum Berthalan, civem praedictae civitatis Coloswar descensum habuisset, tunc idem dominus archidiaconus coram ipso Matheo sacerdote ac nonnullis aliis idoneis fidedignis personis pro tunc cum eo existentibus, publice fassus extitisset eo modo quod cum honestus condam Demetrius artis facultatis baccalaureus, filius³⁾ condam³⁾ Ladislai³⁾ Horwat³⁾, civis³⁾ civitatis³⁾ Waradiensi³⁾ in lecto aegritudinis decubuisset. Tunc ipse sentiens dissolutionis sui corporis invenire, annotatum dictum archidiaconum unacum nonnullis aliis fidedignis personis vocare et accessiri fecisset et praesentibus ipsis coram eisdem licet aeger corpore, tamen per omnia compos ratione, in ultima sua voluntate inter alias testamentarias suas dispositiones publice et manifeste declarasset, quod quia⁴⁾ ipse ad sui⁵⁾ memoriam revocaret, quomodo praelibatum Ladislaum [S. 509] Hwnyady lite mediante minus iuste et indebite contra³⁾ suam³⁾ conscientiam³⁾ vexasset et tribulasset ac suis in rebus dampnificasset; et poeniteret ipsum haec⁶⁾ eidem intulisset promittens, quod si quoquomodo eundem Ladislaum Hwnyady praesentialiter habere posset, eundem modis omnibus contentaret ac dampna per eum sibi illata et procurata resarcere vellet, nichilominus committens, quod de cetero nullus fratrum et consanguineorum suorum neque Michael, frater suus carnalis, eundem Ladislaum praevia ratione molestare, inquietare et impedire valeant neque possent. Item annotatus Petrus scolasticus de Papfalwa ad fidem suam deo debitam modo simili spontanea sua voluntate attestatus extitit in hunc modum, quomodo ipse protunc unacum praefato domino archidiacono ac aliis quampluribus fidedignis personis praesens affuisset et omnia⁷⁾ eodem modo ex ore eiusdem condam Demetrii Howat profari et profiteri audivisset sicuti idem dominus archidiaconus retulisset penitus nullo discrepationis. In⁸⁾ tam fassionis evidens testimonium praesentes litteras nostras duximus concedendas. Datum feria secunda proxima post festum beati Laurentii martiris, anno et cetera LXX^mo primo.


1) Hierauf gestrichen dictae d.^{^}
2) Hierauf gestrichen confessus extitit.^{^}
3) Über der Zeile. [10x] ^{^}
4) Hierauf gestrichen praelibatum Ladislaum Hwnyady.^{^}
5) So Vorlage.^{^}
6) Hierauf gestrichen fecisset. ^{^}
7) Hierauf gestrichen quae idem dominus archidiaconus retulisset. ^{^}
8) Hierauf gestrichen quorum. ^{^}