Urkunde Nr. 3878 aus Band VI

Seite im UB:

503-504

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 36 393, 94 Nr. 1.

Druckvorlage:

nach Abschrift

Abdruck als:

Volltext

Sprache:

Latein

---

3878

1471 Juni 18 Der Konvent von Kolozsmonostor beurkundet das Testament der Katharina Lukachy aus Klausenburg.

.. memoriae commendamus tenore praesentium significantes quibus expedit universis, quod prudentes et circumspecti viri Ambrosius Literatus necnon Johannes Kwn, iurati cives civitatis Coloswar, ad instantem et legitimam petitionem providi Martini, filii condam Johannis Lukachy consimiliter civis eiusdem civitatis Coloswar nostram venientes in praesentiam parili voce et unani-[S. 504] mique relatu ad fidem eorum deo debitam¹⁾ sponte confessi extiterint in hunc modum: Quod cum ipsi ad legitimae petitionis instantiam condam honestae dominae Katherina vocatae, consortis praefati Martini in domo habitationis eiusdem in eadem civitate Coloswar habiti, petiti et accersiti fuissent constituti , tunc eadem domina Katherina in lecto aegeritudinis decumbente licet aegre corpore compos, tamen²⁾ omnia ratione, coram ipsis ac Stephano presbytero confessore suo aliisque quam pluribus honestis viris ac³⁾ hominibus utriusque sexus talem edidisset testamentariam dispositionem. Quod primo claustro fratrum ordinis praedicatorum intra muros dictae civitatis Coloswar quatuor florenos auri, item monialibus ad sanctum Egidium quatuor florenos, item hospitali beatae Elizabet florenos IIII et unum vas vini antiqui et alteri hospitali sancti spiritus florenos IIII et⁴⁾ unum⁴⁾ vas⁴⁾ vini⁴⁾, item annotato presbytero Stephano suo confessore florenos IIII, item quoddam pallium suum flavei coloris de Pernisio et quatuor florenos honestae dominae consorti Johannis Rywch dicti, item de clenodiis suis unum calicem fiendum XXI florenos auri valentem, item tunicam suam viridiam simulcum pallium similiter viridis coloris simulcum fibulis et nodulis duabus puellis filiabus scilicet praefati Johannis Rywch, item quatuor pecies grisei pauperibus distribuendo et unum vas vini, item eundem honestae dominae Geres nominatae quatuor florenos et tunicam suam brunatici coloris, item Johanni fratri eiusdem dominae tres florenos octo ulnas de panno Melhy florenos tres, item memorato Johanni Rywch fratri⁴⁾ suo⁴⁾ octo ulnas de panno Melhy, item uxori Leonardi unum pepulum et unam mastrucam de duabus quamcumque duxerit eligendam, item eidem Leonardo, fratri suo, octo ulnas panni de Melhy, item tunicam suam ac pallium de Harnasin flavii⁴⁾ coloris⁴⁾ et unum pepulum honestae dominae consorti Hazunflesch, item ad fabricam ecclesiae parochialis sancti Michaelis archangeli in eadem civitate constructae quatuor florenos auri. Alias autem res suas universas et quaelibet bona sua mobilia pariter et immobilia praenotato Martino Aurifabro, marito suo, testamentaliter legavisset et commisisset perpetue duraturum. In cuius fassionis evidens testimonium praesentes literas nostras duximus⁴⁾ concedendas. Datum feria tertia proxima post festum Viti et Modesti martirum, anno et cetera (1471).


1) Hierauf fideli gestrichen.^{^}
2) Hierauf p ohne Kürzungsstrich.^{^}
3) Hierauf u ohne Kürzungsstrich.^{^}
4) Über der Zeile. [9x]^{^}