Urkunde Nr. 3875 aus Band VI

Seite im UB:

501-502

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 26 798.

Druckvorlage:

nach Original

Abdruck als:

Volltext

Sprache:

Latein

---

3875

1471 Juni 1 Der Konvent von Kolozsmonostor bezeugt das zwischen Gaspar, dem Pfarrer von Lechnitz, als Kläger und den Adligen von Losoncz als Beklagten abgeschlossene Übereinkommen.

Nos conventus monasterii beatae Mariae virginis de Colosmonostra memoriae commendamus tenore praesentium significantes quibus incumbit universis, [S. 502] quod honorabilis Gaspar plebanus de Lekencze regiae maiestatis capellanus specialis ab una, ex altera vero partibus egregii Ladislaus, Johannes et Michael filii quondam Stephani filii bani de Lossoncz coram nobis personaliter constituti per eosdem parili voce unanimi relatu spontaneaque eorum voluntate confessum extitit in hunc modum. Quodlicet praefatus Gaspar plebanus annotatos Ladislaum, Johannem et Michaelem filios bani praetextu ablationis rerum et bonorum ipsius Gaspar plebani ac quondam discreti Thomae similiter plebani de Bathus fratris sui coram personali praesentia regiae maiestatis in causam convenerit seu attraxerit. Tamen lite inter eos vertente ordinatione et compositione venerabilis domini Andreae filii annotati Stephani filii bani de Lossoncz et cetera necnon egregiorum Johannis Gereb de Wyngarth ac alterius Johannis de Rede vicevaivodae Transsilvani, item nobilis Bartholomei de Moch necnon prudentum ac circumspectorum Stephani Feyer, Egidii Zabo, Nicolai Pether et Ambrosii Literati, civium civitatis Coloswar aliorumque quam plurimorum proborum et nobilium virorum ad talem pacis et concordiae devenissent unionem, quod praelibatus Gaspar plebanus de insuper universis nocumentis ac dictarum rerum et bonorum ablationibus necnon dampnorum illationibus qualitercumque per eosdem filios bani eidem Gaspar plebano illatis et irrogatis eosdem filios bani redidisset et commisisset expeditos, quittos et per omnia absolutos reddiditque et commisit coram nobis talimodo, quod praenominatus Ladislaus, Johannes et Michael filii bani eidem Gaspar plebano in festo beati Jacobi apostoli nunc proxime venturi¹⁾ ad manus praefatorum Stephani Feyer, Egidii Zabo, Nicolai Pether et Ambrosii Literati triginta sex florenos puri auri dare et assignare debeant et teneantur. De quibus tamen idem Gaspar plebanus ad petitionem venerabilis domini Petri abbatis, domini et praelati nostri, eisdem filiis bani relaxasset relaxaruntque coram nobis tali obligaminis vinculo mediante: Quod si memorati Ladislaus, Johannes et Michael filii bani praescriptos triginta sex florenos auri demptis praemissis tribus florenis sicut praefertur relaxatis in praefixo termino antefato Gaspar plebano solvere manibusque annotatorum civium de Coloswar dare et assignare nolent aut non possent seu quovismodo recusarent et negligerent, extunc iidem filii bani contra eundem Gaspar plebanum in quadringentis florenis puri auri convincerentur. Si vero saepefatus Gaspar plebanus praescriptos florenos modo praemisso non levaret aut per praefatos cives levari non permitteret vel alio quovis quaesito colore de praemissis resiliret, tunc ipse contra antelatos filios bani in ammissione praemissae suae causae et aquisitionis convinceretur eo facto. Harum nostrarum vigore et testimonio literarum mediante. Datum in vigilia festi Pentecostes, anno domini millesimo quadringentesimo septuagesimo primo.


1) Juli 25.^{^}