Urkunde Nr. 3870 aus Band VI

Seite im UB:

499

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden Nr. 51.

Druckvorlage:

nach Original

Abdruck als:

Volltext

Sprache:

Latein

---

3870

Klausenburg 1471 Mai 12 König Matthias trifft Bestimmungen über die Entlohnung der Salzschiffer von Desch.

Von der Kanzlei: De commissione domini regis.

Nos Mathias dei gratia rex Hungariae, Bohemiae et cetera memoriae commendamus per praesentes, quod¹⁾ nos cum celleronibus nostris in oppido nostro Dees commorantibus talem fecimus dispositionem, ut ipsi de singulis tumenis salium quos scilicet ipsi de hiis partibus nostris Transsilvanis ad cameras filiales in dicto regno nostro Hungariae existentes deferentur pro laboribus eorundem singulos quadraginta sex florenos et ducentos sales habere debeant atque possint immo faciemus praesentium per vigorem. Quocirca vobis fidelibus nostris camerariis salium camerarum nostrarum Dees, Zathmar et Zolnok vocatarum nunc constitutis et in futurum constituendis harum serie firmissime mandamus, quatenus a modo in posterum dictis celleronibus in annotato oppido commorantibus de singulis tumenis salium, quos ut praefertur²⁾ ipsi ad ipsas cameras nostras filiales in ipso regno nostro Hungariae existentes conducent, dictos quadraginta sex florenos et ducentos sales continuis semper temporibus more prius consueto persolvatis. Ita ut unam partem florenorum praedictorum et ipsos ducentos sales in dicta Dees, aliam vero in Zathmar, tertiam autem in Zolnok cameris eisdem reddere et restituere teneamini. Secus gratiae nostrae sub obtentu non facturi. Praesentibus perlectis exhibenti restitutis. Datum in Koloswar die dominico proximo post festum apparitionis beati Michaelis archangeli, anno domini millesimo quadringentesimo septuagesimo primo, regni nostri anno quartodecimo, coronationis vero octavo.

Von der Kanzlei: Ad relationem Johannis Ernust.


1) Darüber von der Hand und mit der Tinte, von der die Kanzleibemerkungen herrühren quia. ^{^}
2) Über utp ein später ausgestrichener Kürzungsstrich.^{^}