Urkunde Nr. 3864 aus Band VI

Seite im UB:

494-495

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 201.

Druckvorlage:

nach Original

Abdruck als:

Volltext

Sprache:

Latein

---

3864

1471 Mai 7 Das Weissenburger Kapitel schaltet den Einführungsauftrag des Königs Matthias von 1471 Nr. »3857 ein und berichtet, dass die Stadt Kronstadt in den Besitz von Schirkanyen und Părău eingeführt worden ist.

Capitulum ecclesiae Albensis Transsiluanae omnibus Christi fidelibus praesentibus et futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas introductoriales pariter et statutoriales serenissimi principis et domini nostri Mathiae dei gratia regnorum Hungariae, Bohemiae et cetera regis, domini nostri gratiosissimi nobis praeceptorie loquentes summo cum honore et oboedientia recepimus in haec verba: (Folgt die Urkunde des Königs Matthias von 1471 Nr. »3857). Nos igitur mandatis eiusdem domini nostri regis in omnibus oboedire cupientes ut tenemur unacum praefato Andrea Greb de dicta Arapathak homine suae serenitatis nostrum hominem videlicet honorabilem dominum Johannem de Prasmar baccalarium ad praemissas introductionem et statutionem faciendas nostro pro testimonio transmisimus fidedignum; qui tandem exinde ad nos reversi nobis uniformiter retulerunt eo modo, quod ipsi feria tertia proxima post festum beatorum Tyburcii et Valeriani martyrum novissime praeteritum¹⁾ ad facies dictarum possessionum Sarkan et Mykesdorff vocatarum in dicto comitatu Albensi existentium habitarum, consequenterque dicti iuris regii in eisdem habiti vicinis et commetaneis earundem universis inibi legitime convocatis et praesentibus Salomone kenezio de Hercz in sua ac totius communitatis dictae villae Hercz, Stanislao villico de Halmagy in sua ac totius communitatis ipsius villae Halmagy et Johanne Rymer cum domino Johanne Albo dicto plebano de Fogaras in ipsorum ac totius communitatis dictae possessionis Fogaras personis aliisque quam pluribus accedendo introduxissent memoratos cives et communitatem dictae civitatis Brassoviensis in dominium earundem et dicti iuris regii in eisdem habiti statuissentque easdem et idem eisdem simulcum cunctis earum utilitatibus et pertinentiis quibuslibet praemissae regiae donationis titulo ipsis incumbentibus perpetue possidendum, duobus diebus [S. 495] in eisdem moram facientes, nullo penitus contradicente nisi tertio die cum iam de eisdem exire voluissent, quidam Georgius Greb de Brassovia contradixisset, sed tandem et is cum dictis civibus et communitate de dicta Brassovia concordasset et literas suas donationales super eisdem habitas eisdem civibus et communitati de eadem Brassovia praesentasset. In cuius rei testimonium firmitatemque perpetuam praesentes literas nostras privilegiales pendentis et autentici sigilii nostri munimine roboratas eisdem superinde duximus concedendas. Datum viccsimo secundo die diei introductionis et statutionis praenotatarum, anno domini supradicto venerabilibus et honorabilibus viris dominis Ladislao praeposito absente, Anthonio cantore, Matheo custode decretorum doctoribus, Thoma de Bodok canonico et decano ceterisque concanonicis et fratribus nostris in dei ecclesia regii iugiter famulantibus sempiterno.


1) April 16.^{^}