Urkunde Nr. 3850 aus Band VI
- Seite im UB:
- 485
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Heutige Signatur:
- Archiv der Stadt Desch [Primăria Oraşului Déj], Urkunden Nr. 49.
- Druckvorlage:
- nach Original
- Abdruck als:
- Volltext
- Sprache:
- Latein
3850
Ofen 1471 März 12 König Matthias beauftragt die siebenbürgischen Woiwoden und Vizewoiwoden, dem Richter von Desch Stephan Toth gegen den Adligen Sigismund de Draag zum Recht zu verhelfen. Orig. Pap. Arh. St. Cluj-Napoca, Archiv der Stadt Dej Nr. 49. Siegel, rund, Dm. 65 mm, in rotes Wachs, papierbedeckt, vorne aufgedrückt. Derselbe Stempel wie Nr.
»3362.
De commissione domini regis.
Mathias dei gratia rex Hungariae, Bohemiae et cetera fidelibus nostris magnificis vaivodis nostris Transsiluanis eorumque vicevaivodis salutem et gratiam. Exposuit nobis fidelis noster circumspectus Stephanus Toth, iudex civitatis nostrae Dees per modum querelae, quomodo in anno cuius iam quintadecima vel citra instaret revolutio, Sigismundus de Draag ipsum exponentem in libera sua via in silva prope possessionem Waydahaza vocatam repertum nullis suis culpis exigentibus dire et acriter verberasset, insuper ab eodem ducentos florenos auri in parata pecunia ac unum equum et quam plures alias res pro tunc erga ipsum repertas recepisset et abstulisset in praeiudicium et damnum ipsius exponentis non modicum. Unde supplicavit nobis idem exponens, ut sibi circa praemissa remedium adhiberemus oportunum. Et quia nos huiusmodi hominum verberationes ac pecuniarum ablationes et alios actus potentiarios per quempiam fieri non volumus, ideo fidelitati vestrae harum serie stricte mandamus, quatenus receptis praesentibus vocatis coram vobis eisdem partibus ad unum certum terminum et ex parte praefati Sigismundi de Draag de et super omnibus praemissis annotato exponenti iuxta suas comprobationes et evidentia documenta iudicium et iustitiam atque omnimodam satisfactionem impendere debeatis, adeo et in tantum, ne idem exponens nostrae de cetero superinde quoquomodo cogatur conqueri maiestati, auctoritate nostra praesentibus vobis in hac parte attributa et iustitia mediantibus. Secus non facturi. Praesentibus perlectis exhibenti restitutis. Datum Budae in festo beati Gregorii papae, anno domini millesimo quadringentesimo septuagesimo primo, regni nostri anno quartodecimo, coronationis vero septimo.