Urkunde Nr. 3845 aus Band VI

Seite im UB:

480

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3845

Hermannstadt 1471 Januar 22 Der Rat von Hermannstadt lädt Richter und Ratsgeschworene des Stuhles Reussmarkt zu einer Besprechung ein.

Prudentes et circumspecti viri fratres et amici nobis sincere honorandi. Nuncios nostros ad serenissimum dominum nostrum regem missos optata cum relatione noveritis revenisse cum nos universaliter omnes multa negotia tangunt, ut de communi utilitate nostra providere summe sit necessarium etiam agendo rationem de perceptis et expositis anni praeteriti merito nos simul convenire decet. Quare vestris fratribus amicitiisque sincere committimus, ut ad proximam diem dominicam festum conversionis beati Pauli apostoli imediate sequentem¹⁾ iudicem regium una cum duobus aut si placet tribus consultivis viris de sede vestra huc Cibinium transmittatis regiae maiestatis literas et ambasii relata audituras rationem pariter recepturi. Ceterum quia ut vobis constat, quod variis intervenientibus modis prope festum beatae Katherinae virginis et martyris proxime praeteritum neque multis antea temporibus congregati in unum sumus, ne nostri ex parte deinceps aliqua nostrae iurisdictioni negligentia committi videntur, statuimus ut expeditis nostris celeriter negotiis privatis consequenter tunc simul congregati iudiciarias causas acturi simus. Ideo si qui vestri in medio sint, qui causas aut quid actionis habent, eisdem notum faceatis, ut ipsi ad feriam quintam videlicet proximam ante festum purificationis beatae Mariae virginis²⁾ coram nobis cum iuribus eorum compareant. Datum Cibinii in crastino beatae Agnetis virginis et martyris, anno domini millesimo quadringentesimo septuagesimo primo.

Magister civium, iudices et iurati seniores
civitatis Cibiniensis et septem sedium Saxonicalium.

Auf der Rückseite Adresse: Prudentibus et circumspectis viris iudicibus, villicis et iuratis senioribus sedis Rusmarth fratribus et amicis nobis honorandis.


1) Januar 27.^{^}
2) Januar 31.^{^}