Urkunde Nr. 3825 aus Band VI

Seite im UB:

468

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3825

Keisd 1470 Oktober 26 Der siebenbürgische Woiwode Johann Pongracz gestattet dem Marktort Keisd, in Kriegszeiten das halbe Aufgebot zur Verteidigung der eigenen Burg zurückzubehalten.

Johannes Pongracz de Dengeleg wayuoda Transsiluanus Siculorumque et Themesiensis comes egregiis et nobilibus vicewayuodis nostris Transsiluanis ac vicecomitibus nec non levatoribus et belliductoribus¹⁾ quorumlibet exercitum praesentes visuris salutem. Quia nos ad debitam petitionem universorum civium et populorum in oppido Zazkyzd commorantium id duximus annuendum, ut dum et quotienscumque universi regnicolae partium istarum Transsilvanarum contra quoscumque hostes exercituaturi insurgerent, medietas eorum populorum ob conservationem castri supra idem oppidum constructi ac defensione rerum et bonorum ipsorum, ab ingressu exercituum exempti habeantur et supportati, reliqua vero medietas ipsorum populorum ad huiusmodi exercitus proficisci debeant. Quocirca vestris dilectionibus firmiter praecipientes mandamus, quatenus medietatem dictorum populorum in Zazkyzd commorantium ad ingrediendum quemlibet exercitum compellere ipsosque ratione non ingressionis in personis ac bonis ipsorum turbare, impedire et dampnificare non praesumpmatis nec sitis ausi modo aliquali. Praesentibus perlectis exhibenti restitutis. Datum oppido in praedicto in festo beati Demetrii martiris, anno domini millesimo quadringentesimo septuagesimo.


1) Flecken 6 mm.^{^}