Urkunde Nr. 3787 aus Band VI

Seite im UB:

446-447

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

3787

Wien 1470 Februar 21 König Matthias trägt seinen Steuereinnehmern in Bistritz und dessen Pertinentien auf, von Leuten, die auf verlassenen Hofstellen bauen, durch acht Jahre keine Steuern einzuheben.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fidelibus nostris dicatoribus et exactoribus censuum seu taxarum in medio civium, hospitum et communitatis civitatis nostrae Bistriciensis ac pertinentiarum eiusdem nunc constitutis et in futurum constituendis salutem et gratiam. Ex querelis fidelium nostrorum dictorum civium, hospitum et communitatis dictae civitatis nostrae Bistriciensis ac eius pertinentiarum commorantium intelleximus, quod licet nos mediantibus aliis literis nostris, illis hominibus qui in ipsa civitate nostra ac pertinentiis eiusdem desertas domos¹⁾ aedificarent, infra octo annorum spatia libertates ab omni solutione taxarum concesserimus, tamen nunc vos non curatis libertatibus eorum praefatis ipsos ad solutionem huiusmodi taxarum artaretis et compelleretis in eorum libertatis praeiudicium et dampnum. Unde supplicarunt, per nos ipsis superinde opportune provideri et quia nos volumus, ut huiusmodi libertates per nos ipsis factae inviolabiliter observentur, ideo fidelitati vestrae mandamus, quatenus visis praesentibus [S. 447] homines sive iobagiones, qui ut praefertur desertas domos¹⁾ in dicta civitate nostra Bistriciensi et eius pertinentiis aedificassent, infra praefixum tempus ad solutionem dictae taxae artare et compellere aut ipsos ratione non solutionis earum in personis rebus[que¹⁾ et bonis eorum quibusvis]²⁾ contra praemissam nostram annuentiam impedire, turbare et [damnificare non praesumatis]²⁾ neque sitis ausi modo aliquali; praesentibus perlectis exhibenti resti[tutis. Datum Wyennae in profesto]²⁾ cathedrae beati Petri apostoli, anno domini millesimo quad[ringentesimo septuagesimo]²⁾ regni nostri anno duodecimo, coronationis vero sext[o]²⁾.


1) Gebessert aus domus. [3x]^{^}
2) Die linke untere Ecke der Urkunde fehlt. Die Ergänzungen nach Teleki. [5x]^{^}