Urkunde Nr. 3752 aus Band VI

Seite im UB:

425

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 320.

Druckvorlage:

nach Original

Abdruck als:

Volltext

Sprache:

Latein

---

3752

Ofen 1469 November 8 König Matthias trägt den Bürgermeistern und Richtern von Hermannstadt, Klausenburg und anderer Städte auf, die Güter und Geldbeträge eines ohne letztwillige Verfügung gestorbenen Schässburger Predigers einzuziehen und an seinen Steuereinheber abzuführen.

Mathias dei gratia rex Hungariae, Bohemiae et cetera fidelibus nostris prudentibus et circumspectis magistro civium ac iudici et iuratis civibus Cibiniensis et Kolosvariensis ac aliarum civitatum nostrarum praesentes visuris salutem et gratiam. Intelleximus quomodo quidam predicator in Segeswar intestatus decessisset, cuius bona nos concernerent. Quin autem nonnulla bona, res et florenorum auri summa dicti quondam predicatoris apud concives dictarum civitatum nostrarum haberi dicuntur. Mandamus igitur fidelitati vestrae firmiter, quatenus statim visis praesentibus huiusmodi res et bona ac summas florenorum praefati quondam predicatoris ad manus fidelis nostri honorabilis Nicolai archidiaconi de Kykellew nostro nomine tenendos dare et assignare facere debeatis. Nec secus praesumatis, praesentes pro vestra expeditione reservandas. Datum Budae feria quarta proxima ante festum beati Martini episcopi et confessoris, anno domini millesimo quadringentesimo sexagesimo nono, regni nostri anno duodecimo, coronationis vero sexto.

Von der Kanzlei: Ad relationem magistri Georgii lectoris Varadiensis et cetera.

Auf der Rückseite von gleichzeitiger Hand: Occupatoria verum et bonorum cuiusdam defuncti praedicatoris.