Urkunde Nr. 3750 aus Band VI

Seite im UB:

423-424

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 313.

Druckvorlage:

nach Original

Abdruck als:

Volltext

Sprache:

Latein

---

3750

Ungarisch-Brod 1469 Oktober 27 König Matthias trägt den Bewohnern von Hermannstadt und der Stühle Hermannstadt, Reussmarkt und Alzen auf, den durch Brand geschädigten Einwohnern von Hermannstadt durch Zufuhr von Bauholz zu helfen.

Von der Kanzlei: De commissione domini regis.

Mathias dei gratia rex Hungariae, Bohemiae et cetera fidelibus nostris prudentibus et circumspectis viris iudicibus et iuratis ac universis et singulis Saxo-[S. 424] nibus et alterius conditionis et linguagii hominibus in civitate nostra Cybiniensi necnon in sedibus similiter Cybiniensi ac Zeredahel et de Olczna commorantibus salutem et gratiam . Qualis ruina et desolatio in civitate nostra Cybiniensi istis praeteritis diebus per ignem casualiter accidisse dicitur unicuique vestrum clare constare credimus. Quaequidem destructio ipsius civitatis nostrae Cybiniensis non solum inhabitatoribus suis verum etiam vobis omnibus et ceteris incolis illius patriae damno notabili et nocumento est, signanter hoc tempore, quo continuimus timor et incursus Thurcorum illac invalescat. Cum vero illi pauperes inhabitatores ipsius civitatis quibus dicta ruina contigit in tantam miseriam devenisse dicantur, quod cum suis viribus habitationes et domos eorum nullo modo valeant restaurare. Igitur committimus vobis et unicuique vestrum firmissime, quatenus omnes illi qui scilicet currus et animalia pro curribus trahendis possident cum singulo uno curru ad reformationem dictae civitatis nostrae et domorum illorum fidelium nostrorum, qui praemissam desolationem susceperunt ligna vehere et ducere debeant et teneantur; et secus si indignationem nostram evitare cupitis non faciatis. Alioquin commisimus et praesentibus strictius committimus fidelibus nostris magistro civium ac iudici et iuratis necnon senioribus dictae civitatis nostrae Cybiniensis, ut ipsi vos et quemlibet vestrum ad praemissa facienda arcius compellant et astringant autoritate nostra praesentibus ipsis in hac parte attributa mediante. Secus ergo facere non ausuri. Praesentibus perlectis exhibentibus restitutis. Datum in Broda Hungaricali in vigilia festi beatorum Simonis et Iudae apostolorum, anno domini millesimo quadringentesimo sexagesimo nono, regni nostri anno duodecimo, coronationis vero sexto.

Unten von der Kanzlei: Lecta.